Atletico ko dlan Sevilla do gboji podo agó 6-1 po nado jẹ otẹn atọ̀ntọ to La Liga mẹ
Oguzangbe, Whejisun 7, 2023
Atletico Madrid ko pọplọ Sevilla podo agó 6-1 po to Sibigbe nado sẹtẹn yi otẹn atọ̀ntọ to La Liga mẹ dile Diego Simeone jaya na wadotana dagbe yetọn taidi anademẹtọ ogbẹ́ lọ tọn.
Memphis Depay do agó awe na ogbẹ́ etọn, Antoine Griezmann podo Yannick Carrasco po lọsu yidogọna bọ Alvaro Morata lọsu sọ do agó awe to agbàwhinwlẹn lọ mẹ ehe yin diọdo dagbe na yé to owhe 2023 ehe mẹ.
Anademẹtọ Argentina-nu Simeone yi azọ́n sọn anademẹtọ dai tọn he basi matintọ Luis Aragones si nado deanana Atletico to aihun susu mẹ ehe yin aihun 613tọ etọn ehe mẹ e ko to anadena Rojiblancos sọn 2011 gbọn he e bẹjẹeji.
Simeone ko gọalọna Atletico nado mọ ale La Liga tọn yí na whla awe bosọ yí Copa del Rey na whla dopo bo gbọnmọdali ze dodonu bọlu-hògbẹ́ lọ tọn dai podo huhlọn po podo nugopipe lọ po nado dọnnú hẹ bọlu-hògbẹ́ huhlọnọ lẹ taidi Real Madrid podo Barcelona po to ale whegbe tọn mimọyi mẹ podo ale awe to Europa League mẹ.
Asisa lẹ
[jlado | jla asisado]- Atletico thrash Sevilla 6-1, go third in La Liga". — Punch. March 5, 2023
- "Depay, Morata score twice each as Atletico thrash Sevilla 6-1". — Reuters. March 4, 2023