Asu po asi de po to Kaduna po viyọnnu yetọn po kú to miyọ́n he fiọ́ nu to zanhomẹ de mẹ

Sibigbe, Lidosun 8, 2023

Dawe de, Abdurrahman Abdullahi; asi etọn po viyọnnu yetọn Husna po, ko yin didọ dọ ye fiọ́ to miyọ́n he gbajẹgbonu de mẹ to tohomẹ Kafanchan tọn to lẹdo gandudu dokọtọn Jema’a to ayimatẹn Kaduna tọn mẹ.

E yin didọ dọ ye to amlọ̀n mẹ whenue miyọ́n lọ gbajẹgbonu. To ojlẹ he mẹ yé to linlin lọ bẹpli te, nuhe dọ̀n miyọ́n lọ ma ko yin yinyọnẹn dile kọmẹnu lẹ mọ azọ̀ he tlọn ohọ̀ lọ mẹ to nudi gàn widopo mẹ zanmẹ to Oguzangbe.

Dopo to kọmẹnu matintọ lọ lẹ tọn mẹ , Maikano Abdullahi, he hẹn nutindo etọn lẹ lọsu bú to miyọ́n lọ mẹ, basi zẹẹme dọ vivẹnu he mẹhe wa flẹn lẹpo do nado whlẹn whẹndo lọ wẹ yin ovọ́. E dọdọ, " N'fọn sọn amlọn mẹ whenue n'se de asi ṣe to awhado na alọgọ dile miyọ́n ko wle họ̀nu Zainab tọn he bọdo míton go.

"Nuhe jọ lọ yin awublanu de. Mi basi nuhe go mi pe lẹpo nado gbà ohọ̀n lọ whenu miyọ́n to jiji ṣigba mi ma penugo na ohọ̀n ko yin súsú gbanun-gbanun.

" E blawu dọ asu po asi lọ po Abdurrahman Abdullahi he dẹpẹ-yinkọ etọn nọ yin Danjummai, asi etọn, Zainab Nuhu po viyọnnu yetọn Husna po wẹ ko hẹn ogbẹ yetọn bú whẹpo mi do sọgan mọ ohọ̀n gbà ".

Asisa lẹ

• Israel Bulus." Kaduna couple, daughter die in midnight fire".— Punch. April 7, 2023
• Abdulganiyu Alabi." Couple, daughter die in Kaduna fire incident". — Guardian. April 7, 2023