Asu Awọnlin-nu de yin wiwle yi whẹnukọn na okú asi etọn tọn wutu

Azangaagbe, whejisun 22, 2023

Dawe mọtosatọ owhe 37 mẹvi de, Ikechukwu Ogbonna he tindo tẹnmẹyinkọ IVD yin wiwle to Tẹnigbe yi whẹnukọn to whẹdatẹn daho Awọnlin tọn na whẹho he ma tindo kunnudenu lọ dọ ewọ wẹ hù asi etọn Abimbọla he ko basi matintọ, he kú to whenue fihe yé nọ nọ to Lekki-waji to ayimatẹn lọ mẹ ji miyọn.

Mẹhe yin whẹsadokọna lọ yin wiwle na nudopo de wutu, mẹhùhù to mayọnẹn mẹ he sọgbe hẹ owhẹ̀ sọha LD/21055C/23 he yin zize sọta ẹ gbọn gandudu Awọnlin tọn dali.

Whẹyidọtọ agọjẹdo sẹ̀nhẹngbatọ, Adeshola Bello dọna whẹdatẹn dọ bẹwlu tin to azan he gbe yè gba osẹ́n lọ te.

"Mi tindo kandai Kọ́yànsun 10 ṣigba Bello dọ dọ Kọ́yànsun 12 wẹ".

E biọ to whẹdatẹn si nado na yé dotẹnmẹ na ye nido sọgan basi vọjlado, ehe whẹdatẹn lọ nagbe.

Etomọṣo, Ogbonna he yin wiwle bo tin to nukọn whẹdatọ Modupe Nicole-Clay vẹvẹ dọ emi ma hùwhẹ whẹsadokọnamẹ lọ tọn.

Whẹyidọtọ Mẹdaho Victor Ogunde, SAN, biọ tundote na whẹhútọ lọ.

Dile e to bibiọ tundote na whẹhútọ lọ, whẹdatọ lọ kanse dọ etẹwutu wẹ e sọ to bibiọ tundote whenuena e ko yin tuntundote dai sọn whejisun 1.

Whẹyidọtọ lọ gblọn dọmọ, owhẹ̀ he yin sisadokọna ahisinọ emitọn gbọnvona owhẹ̀ he e hù.

Sọn ojlẹ de mẹ jẹ devo mẹ wẹ whẹdatọ Justice Nicole-Clayko sẹ owhẹ̀ lọ donukọn kakajẹ whejisun 30, whejisun 24 po 25, 2023, na bẹjẹeji tẹnpọn tọn.

Asisa lẹ

• Onozure Dania. "Lagos husband arraigned for wife’s death". — Punch. March 21, 2023
• Uwakwe Benson. "Lagos husband arraigned for wife’s death". — The Times. March 21, 2023