Alọ̀ ko jẹ ponọ atọ́n delẹ go na ye hu ajọ́watọ de to ahi plateau tọn mẹ wutu

Sibigbe, Lidosun 5, 2023

Ponọ̀ ayimatẹn Plateau tọn lẹ tọn ko dọ dọ alọ̀ ko jẹ ponọ̀ atọ́n go na whẹ̀ho he gando Ibuchim Ofezie, ajọ́watọ de, he yè desò bọ hù to Ahì Terminus tọn mẹ to Jos waji to ayimatẹn lọ mẹ.

PUNCH Metro sè dọ dopo to ponọ̀ he yè zọn azọ́n nado yì wlé kẹkẹkuntọ he ma do gbedewema ahọlu tọn bo ka yí azọ́n yetọn do to nuhahun sẹkli-masẹ tọn dọ̀n dai to lẹdo lọ mẹ lẹ mẹ wẹ desò do mẹmẹ poun bọ e yì jẹ dawe lọ go, to Tenigbe he wayi enẹ.

Ajọ́watọ de, he ma jlo dọ yinkọ emi ni yin nudego, dọna linlinnamẹtọ mítọn de dọ ponọ̀ lọ lẹ to kẹkẹ́-afọ̀-atọ̀nnọ kùn le yàn bọ dopo tó yé mẹ desò bọ e jẹ dawe lọ go. Hoyidọtọ Ponọ̀ ayimatẹn lọ tọn lẹ tọn, Alabo Alfred, dọ to Tenigbe lọ dọ alọ̀ ko jẹ ponọ̀ he do nulọ te lẹ go.

E dọmọ, "Na mọdọ ponọ̀ he huwhẹ̀ lọ lẹ pehẹ whẹ̀dida, ogán ponọ̀ lẹ tọn lọ ko degbe yé ni yin wiwle sú. Ponọ̀ atọ́n lọ lẹ ko wiwle sú, bọ dodinnanu to yiyi do yé ji to alọnu to azọ́nwatẹn Homicide Section tọn mẹ to State Criminal Investigation Department, to Jos.”

Asisa lẹ

• James Abrahamh. "Five policemen arrested for killing trader in Plateau market". — Punch. April 4, 2023
• Marie-Therese Nanlong. "Stray bullet: Plateau Police arrests personnel who shot teenager in Jos". — Vanguard. April 3, 2023