Ajotọ lẹ yi gbà lẹdo dé to Ibadan bo zan zomọ̀ POS tọn do yi akuẹ sọn mẹlẹ si

Oguzangbe, Whejisun 14, 2023

To Sẹgbe afọnnu, jaguda egblemakunọ delẹ gbanu to Eleshin, he yin lẹdo de mẹ to Gandudu dokọ tọn Ido tọn mẹ to ayimatẹn Oyo tọn mẹ, podọ zomọ̀ POS tọn wẹ yé zan do yí akuẹ sọn mẹlẹ si.

Dodinnanu de gbọn linlinkantọ mítọn lẹ dali dohia dọ nudi ogàn dopo mẹ zánhomẹ wẹ jaguda lọ lẹ wọ̀ biọ lẹdo lọ mẹ bo yí zomọ̀ POS tọn do to akuẹ bẹ sọn akuẹsẹdotẹn mẹlẹ tọn mẹ.

Linlinwhe PUNCH Metro tọn sọ mọ dọ nujijọ ylankan ehe ko zọn bọ mẹhe to lẹdo lọ mẹ lẹ ko to sijọsijọ ji bọ kọmẹnu delẹ ko jẹ agbàn bẹ ji na obu wutu.

Dopo to mẹhe nọ nọ̀ filọ lẹ mẹ, he ma jlo dọ yinkọ emi tọn ni yin nudego, dọ dọ, "Jaguda lọ lẹ wá lẹdo lọ mẹ to nudi ogàn dopo zanmẹ tọn mẹ. Yé sọ vò bo wanu do lee e jlo ye do. Yé sọ hẹn zomọ̀ POS tọn wá bo dè akuẹ he sọha etọn ma gán ko yin yinyọnẹn to alọnu din, sọn akuẹsẹdotẹn mẹlẹ tọn mẹ". Yé sọ de akuẹ he sọha etọn ma ko yin nudego de sọn asì ẹ lọsu tọn mẹ ga whẹpo do dedo.

Dawe lọ yidogọ dọ, "Yé sọ bẹ alókan awè yì ga, iPhone 11 Pro Max dopo po XS Max dopo po".

Whẹ̀ho lọ ko yin zize sọyi ponọpá ledo Apete tọn mẹ.

Kakajẹ whenue linlin ehe yin kinkandai, to Sẹgbe, mí ma ko penugo nado dọhó hẹ hoyidọtọ ponọ̀a ayimatẹn lọ tọn lẹ tọn, Adewale Osifeso, gando gbesisọnọ-yinyin linlin lọ tọn go.

Asisa lẹ

• Ademola Adegbite. "Armed robbers invade Ibadan community, operate with POS". — Punch. March 12, 2023
• "Pandemonium as armed robbers invade Ibadan community with PoS machine". — Pulse. March 13, 2023]"