Agbanhun-gaa de jai jẹ gbẹduhun de ji to Awọnlin

Ahọluzangbe, Nuwhàsun 19, 2023

Agbanhun-gaa de he ze gangba he dite sọ afọpa kande de flẹ jai jẹ gbẹduhun Toyota de ji to alihogbó Cement Bus Stop tọn ji nado biọ tòhomẹ Dopemu tọn to ayimatẹn Awọnlin tọn mẹ. Linlin lẹ dohia dọ nujijọ lọ jọ to nudi gan ẹnẹ mẹ whemẹ.

Hòmẹhunnu wẹ eyin dọ mẹ depope ma kú to nujijọ lọ whenu na mẹde ma tin to gbẹduhun lọ mẹ to whenuena nujijọ lọ wá aimẹ wutu.

Hoyidọtọ na ponọ he nọ penukundo gbejizọ̀nlin zinzin lẹ go to Awọnlin yedọ Lagos State Traffic Management Authority, he nọ yin Taofiq Adebayo dọ to whenue e yin hokanse dọ nuhe no hẹn ohun nọte he nọ nọ̀ ohun go wẹ gble, enẹ wẹ zọ́n bọ nujijọ ajiji lọ do jọ.

Ohun lọ to bibiọ Dopemu to whenue nuhe no he ohun lọ dote gble bọ hunkuntọ lọ ma yọ́n nuhe ena sọ wa ba, bọ enẹ zọ́n bọ e họ́ jai jẹ gbẹduhun Toyota Camry vẹẹ de he to alipa de ji. Mẹde ma to ohun lọ mẹ to whenuena e jọ.

Adebayo hungona dọ ogàn daho na ponọ he nọ penukundo gbejizọ̀nlin zinzin go lẹ to Ayimatẹn lọ mẹ he yin Bolaji Oreagba, ko basi opli de he Agbanhun-gaa kùntọ lẹ, bo sọ na avase ye nado nọ tẹnpọn bo mọ dọ agbanhun yetọn lẹ to alọ̀ dagbe mẹ whẹpo do ze ye jẹ aliji.

Asisa lẹ

• Dayo Oyewo. "Container-laden truck crushes car in Lagos". — Punch. May 16, 2023