Agó Osimhen tọn wẹ doalọtena teninọ Napoli tọn na owhe 33 nado mọ ale Serie A tọn yí

Ahọluzangbe, Nuwhàsun 5, 2023

Napoli doalọtena teninọ ojlẹ gaa yetọn tọn to godo mẹ nado mọ ale Serie A tọn yí to Yọnnuzangbe to whenuena yé nọ ozẹn agó 1-1 tọn to Udinese godo nado mọ ale atọ̀ntọ yetọn yí ehe tin to ozẹnsisọ mẹ hẹ agbàwhinwlẹn atọ́n ehe yé na gbá.

Godonọnamẹtọ fọtọ́n susu lẹ to Udine, to bọlu-gbatẹn Maradona tọn to Naples podo agbegbe tohòmẹ daho Italy tọn he tin to hùwaji wẹ jaya to vivọnu aihun lọ whenu dile teninọ owhe 33 tọn wa opodo.

Godonọnamẹtọ lẹ họn biọ nọtẹn bọlu-gbigbá Dacia Arena tọn ji nado jaya na ojlẹ dagbe ehe adà Luciano Spalletti tọn ko yí do dugan do bọlu-hògbẹ́ depo lẹ ji, bosọ hun dotẹnmẹ awubla tọn na godonọnamẹtọ bọlu-hògbẹ́ he tin to whegbe lọ lẹ dile agbàwlẹntọ yetọn lẹ to ayajẹ to owhe yetọn gbe.

Victor Osimhen do agó dopo gee lọ to adà awetọ aihun lọ tọn mẹ dile bọlu-hòtọ akonka Napoli tọn lọ lẹkọ sọn gúgú mẹ nado fli agó he Sandi Lovric do to adà tintan aihun lọ tọn whenu nado hodọtọ apajlẹ Diego Maradona tọn he mọ ale lọ yí to 1987 podo 1990 po.

Asisa lẹ

• "How Osimhen’s strike ended Napoli 33-year wait for Serie A title".– Vanguard. April 5, 2023
• "BREAKING: Osimhen’s Napoli win Serie A title after 33 years]".– Punch. April 4, 2023