Agó Man United sọta edetiti wẹ na Sevilla dotẹnmẹ zẹnsisọ agó 2-2 tọn to Europa league mẹ

Sibigbe, Lidosun 15, 2023

Agó awe ogàngodo tọn sọta mẹdetiti wẹ na Manchester United azọ́n daho nado wa nado sọgan pegan na adà bọlu-hògbẹ́ ẹnẹ he gbọngodo lẹ tọn Europa League mẹ dile Sevilla gọ jẹ ozẹn to agbàwhinwlẹn tintan yetọn to adà bọlu-hògbẹ́ ṣiantọn he gbọngodo lẹ tọn mẹ to Old Trafford to Yọnnuzangbe.

United lẹ taidi mẹhe ko gbawhàn podo agó awe po sọn Marcel Sabitzer de gblagbla nukunwhiwhe 21 mẹ.

Ṣigba bọlu-hòtọ otẹn godo tọn yetọn Raphael Varane podo Lisandro Martinez po he ma tin to aimẹ na awugble yetọn wutu wẹ hẹn gúgú wa dile Tyrell Malacia podo Harry Maguire po do agó sọta ogbẹ́ yedetiti tọn to nukunwhiwhe ṣidopo he po ehe aihun lọ na wa vivọnu mẹ.

United lẹ sọ dona wleawuna agbàwhinwlẹn awetọ tọn he na waimẹ to Lidosun 20 matin Bruno Fernandes to whenuena e yin nina kati godo ehe dekọntọndọ didesẹ na agbàwhinwlẹn lọ.

Asisa lẹ

• "Man United own goals give Sevilla 2-2 draw in Europa League".– Punch. April 13, 2023
• "Maguire and Malacia own goals give Sevilla draw at Manchester United".– The Guardian. April 13, 2023