AC Milan zinpo Napoli ji podo agó 4-0 po to whenuena Osimhen ma tindo mahẹ to agbàwhinwlẹn lọ mẹ

Tẹnigbe, Lidosun 3, 2023, 2023

AC Milan ko zinpo Napoli he yin nukọntọn to Serie A mẹ podo agó 4-0 po to Sẹgbe to agbàwhinwlẹn sinsinyẹn de whenu nado gbà yanwle agbàwlẹntọ lọ tọn nado mọ ale League tintan tọn yi sọn 1990 gbọn.

Napoli gbá bọlu lọ matin bọlu-hòtọ dagbe yetọn, Victor Osimhen he ma penugo nado tindo mahẹ to aihun lọ mẹ na awugble etọn wutu ehe zọn bọ tẹnmẹ etọn hùn do nuvo. Rafael Leo wẹ do agó dagbe awe na Milan bọ Brahim Diaz podo Alexis Saelemaekers po sọ do agó depo lẹ na ogbẹ́ yetọn nado sẹtẹn yi otẹn atọ̀ntọ mẹ.

Adà Stefano Pioli tọn ko hẹn gúgú atọ̀ntọ to agbàwhinwlẹn League tọn mẹ wa Napoli ji to owhe ehe mẹ, mẹhe yin to nukọn to todohukanji bọlu-hògbẹ́ lẹ tọn ji ehe sin agó (points) ko yin didepo do 16 to whenuena bọlu-hògbẹ́ he tin to otẹn awetọ mẹ he yin Lazio duto Monza ji podo agó 2-0 po godo to Sẹgbe.

Milan yi agó (points) 20 do to godo ṣigba yé ko gbawhàn to agbàwhinwlẹn atọ̀n sọta Napoli ehe naso zindonukọn to osun ehe mẹ dile yé na whlẹnagbà sọta yede to adà bọlu-hògbẹ́ ṣiantọn he gbọngodo lẹ tọn to Champions League mẹ.

Asisa lẹ

• "AC Milan hammer Napoli 4-0 in Osimhen absence".– Vanguard. April 2, 2023
• Farq Ibrahim. "Milan destroy Napoli in Osimhen's absence".– Pulse Sports. April 2, 2023