Viyọnnu devizọ́nwatọ whégbè tọn de yin wiwle na e fin ogán etọn sin akuẹ naira livi 4

Sibigbe, Nuwhàsun 20, 2023

Viyọnnu owhe 21 mẹvi he yin devizọnwatọ whégbè tọn de, Praise Etim, yin wiwle yi whẹ̀nukọn whẹ̀dọhọsá Igbosere tọn he tin to Tinubu Lagos Island tọn na e fin akuẹ livi 4 ogán etọn tọn.

Whẹ̀hutọ lọ, he pannukọn whẹ̀sadokọnamẹ gbọn Ponọ lẹ dali, yin zize sinai to nukọn na Whẹ̀datọ Atinuke Adetunji.

Ponọ Agọjẹdo sẹ́nhẹngbatọ, Inspector Cyriacus Osuji, dọna whẹ̀datẹn lọ dọmọ, sẹ́nhẹngbatọ lọ wa oylan lọ to Lidosun 22, 2023.

E dọmọ, nujijọ lọ waimẹ to 1004 Estate, Victoria island, ayimatẹn Awọnlin tọn.

Osuji dọna whẹ̀datẹn lọ dọmọ, Etim fin dọla 5,500, he yin livi 4 to naira mẹ, nutindo ogán etọn Shahid Abbass tọn.

Sọgbe hẹ agọjẹdo sẹ́nhẹngbatọ lọ, ylanwiwa lọ jẹagọdo osẹ́n Section 287 osẹ́n sẹ́nhẹngba ayimatẹn Awọnlin 2015 tọn.

Etomọṣo, whẹ̀hùtọ lọ vẹ̀vẹ̀ dọ emi ma hùwhẹ̀ whẹ̀sadokọnamẹ lọ tọn.

Whẹdatọ lọ jo whẹhùtọ lọ nado yiwhé to whenue e na sú akuẹ naira fọtọn 300 godo po tenọnamẹtọ awe po.

Whẹdatọ lọ dọmọ, tenọnamẹtọ lọ lẹ dona yin yiyi do azọ́n mẹ, na whẹwhiwhẹn ehele wutu, takuẹ súsú na gandudu ayimatẹn lọ tọn, podọ nọtẹn yétọn dona yin yinyọnẹn ganji.

Taidi kọdetọn de, whẹhutọ lọ yin sisẹdo Kirikiri Custodial Centre kakajẹ whenue akuẹ lọ he yin kínkán naẹn lọ na yin súsú.

Owhẹ̀ lọ yin sisẹdo Ayidosun 14.

Asisa lẹ

• Onozure Dania. "Housemaid arraigned for stealing employer’s N4m" —Punch. May 19, 2023
• Uwakwe Benson. "Housemaid arraigned for stealing employer’s N4m" —The Times. May 17, 2023