Tavẹ-ylọvi ayimatẹn-gán tọn po ogán hihọ́tọ lẹ po basi matintọ, fininọ lọ lẹ gblewhẹdo ali he gble lọ

Tẹnigbe, Whejisun 20, 2023

Amadu Ali, tavẹ-ylọvi ayimatẹn-gán Katsina tọn he yin Aminu Masari po sunnu hihọ́tọ awe po he yin yinyọnẹn taidi Nura Sufyanu po Kabir Ali po yin hùhù to asidan he jọ to Gadar Tsuntsaye to gandudu dokọ Musawa tọn to ayimatẹn lọ mẹ.

El-Aminu Isa he yin Anadenanutọ nọtẹn intẹnẹti Masari tọn po hoyidọtọ na ponọ ayimatẹn Katsina tọn po, SP Gambo Isah hẹn diun dọ nugbo wẹ dọ asidan jọ to Ahọluzangbe.

Asisa devo dohia dọ nujijọ lọ gọna mẹdevo lẹ to ali yetọn ji jei tòdaho ayimatẹn-gán lọ tọn mẹ, Kafur, na vòbibla ayimatẹn-gán po whedegbẹ́ tonudidọ tọn he na wa aimẹ to Sibigbe.

Asisa lọ dọmọ, asidan lọ jọ na aliho lẹdo lọ tọn he gble wutu.

Asisa de dọmọ, "Mẹhe go nujọ do lọ lẹ ko sẹpọ aná he to lẹdo lọ to ahọluzangbe sin zanmẹ whenue mọto lọ biọ odo de mẹ he zọn bọ mọto lọ bli bosọ lilẹ, enẹ wẹ hẹn okú wa na yé."

Omẹ atọ̀n devo he gbleawu to asidan lọ mẹ mọ nukunpedomẹgo yi to dotowhé daho Malumfashi tọn whẹpo yé do yin bibẹ yi dotowhé Federal Teaching Hospital Katsina tọn.

Tito ko yin bibasi na ṣiọdidi lọ to Sibigbe, dile hoyidọtọ ponọ lẹ tọn dọmọ, oṣiọ ahisinọ lẹ tọn yin bibẹ yi mọgu to Katsina.

Isah dọmọ, "Asidan lọ jọ to ahọluzangbe sin zanmẹ. Mẹho go nujọ do lọ lẹ jei Kafur he yin tòdaho vòbibla ayimatẹn-gán lọ tọn po wedegbẹ́ tonudidọ tọn po. Mi ko bẹ oṣiọ mẹhe basi matintọ lọ tọn sọyi Katsina."

To ojlẹ enẹ mẹ, vòblatọ susu wẹ tin to vòblatẹn voovo lẹ lẹdo ayimatẹn lọ to afọnnu fuu ogan 7 mẹ nado blavò.

Vòbibla gbẹ to yiyi alọnu whenue linlin ehe yin nina.

Asisa lẹ

• Olaide Oyelude. "Gov’s nephew, security officers die, residents blame bad road. — Punch. March 19, 2023
• Francis Sardauna. "Masari’s Advance Team in Auto Crash, 2 Policemen, Govs’ Nephew Die. — ThisDay. March 19, 2023