Super Falcons ko kpégan ná adà bɔlu-xògbɛ́ 16 xe gbɔngodo lɛ tɔn to agbàhwinwlɛn sɔta Ireland xe fó dó ozɛn to bɔlu-xixò nyɔnu lɛdó ayihɔ́nkpé tɔn mɛ
|
Cet article est écrit en Gun (Bénin) |
oguzangbe, avivɔsun 1, 2023
Super Falcons Nigeria tɔn ko kpégan ná adà bɔlu-xògbɛ́ 16 tɔn xe gbɔngodo lɛ tɔn to agbàhwinwlɛn 2023 FIFA nyɔnu lɛdó ayihɔ́nkpé (Women's World Cup) lɛ tɔn mɛ to ozɛnninɔ sɔta Republic of Ireland godo.
Ogbɛ Falcons tɔn xe tin to aceji to xixɔ́bibasí mɛ tɛnkpɔn nadó glɔnalina Republic of Ireland nadó dó agó ɖilě bɔlu-wletɔ Chiamaka Nnadozie gbɔci nukle nadó glɔnalina dótɛnmɛ agó didó sɔta yé tɔn, tayiɖi ná akpajlɛ̌ dótɛnmɛ agó didó tɔn gbɔn Katie McCabe dali to nukúnxwixwe 5tɔ mɛ exe a glɔnalina.
Dótɛnmɛ xe nyɔ́ húgǎn exe Nigeria tindó to aihun lɔ hwenu nadó dó agó wɛ lexe Asisa Oshola tindó to nukúnxwixwe 14tɔ mɛ cigbǎ bo gbá gbɔn aga.
Oshola mɔ alɔgɔ yi sɔ́n Uchenna Kanu cigbǎ bo gúi ɖilě é gbá bɔlu lɔ zɔn aga. Nigeria ná wa kpé nukɔntɔn kpikpli D Brisbane tɔn exe sɔgan nyí England ni enyí ɖɔ yé nɔ ozɛn kavǐ xò China to oguzangbe.
Falcons ɖakpana gúgú to agbàhwinwlɛn atɔ̀n bɛjɛeji tɔn yětɔn lɛkpó mɛ ná hwla tintan tɔn to hwenuxó mɛ.
Yé lɛzun bɔlu-xògbɛ́ Aflika tɔn tintan xe kpégan ná adà bɔlu-xògbé 16 xe gbɔngodo lɛ tɔn to agbàhwinwlɛn bɔlu-xixò 2023 nyɔnu lɛdó ayihɔ́nkpé tɔn xe to yíyí to alɔnu mɛ.
Asisa lɛ
- Adegboyega Adeleye. "Women’s World Cup: Super Falcons qualify for last 16 after goalless draw against Ireland".– Vanguard. July 31, 2023
- Idowu Abdullahi. "Nigeria draw Ireland 0-0, qualify for knock out stage".– Punch. July 31, 2023