Super Falcons he ma ko tindo awhàngbigba depope ko tọ́n sọn Paris Olympics mẹ to whenuena yé gú podo agó 3-1 po sọta Japan
Yọnnuzangbe 1, Avivọsun 2024
Super Falcons Naijilia tọn ko tọ́n sọn agbawhinwhlẹn 2024 Paris Olympics mẹ to whenuena yé gú podo agó 3-1 po sọta Japan ehe yin gúgú atọ̀ntọ to agbawhinwhlẹn atọ̀n he yé ko tindo mahẹ tẹ mẹ.
Japan bẹ agbawhinwhlẹn lọ jẹeji podo kọgbidinamẹ sinsinyẹn po nado gbidikọna Super Falcons.
To nukunwhiwhe ṣianwetọ mẹ, Chiamaka Nnadozie he yin golinọtọ na Naijilia glọnalina agó bọlu-hòtọ Japan tọn de.
Kọgbidinamẹ lọ zindonukọn dile Osinachi Ohale lọsu dovivẹnu nado glọnalina agó devo to nukunwhiwhe ṣiẹnẹtọ godo.
Alemọtọ Asia tọn lọ gbà họnhùngan lọ dile Maika Hamano he yin bolu-hotọ́ otẹn nukọntọn na chelsea do agó nukunwhiwhe 22tọ mẹ.
Nukunwhiwhe Ao godo, Mina Tanaka do agó awetọ nado do nugopipe yetọn hia.
Naijilia fli agó dopo lẹkọ to nukunwhiwhe atọ̀n he po mẹ whẹpo adà tintan lọ do wa vivọnu ehe Jennifer Echegini he yin bọlu-hòtọ yọyọ PSG tọn do na Super Falcons.
Etomọṣo bọlu-hòtọ Japan tọn Hana Kitagawa do agó atọ̀ntọ to nukunwhiwhe godo tọn mẹ. Super Falcons tẹnpọn to adà awetọ agbawhinwhlẹn lọ tọn mẹ ṣigba Japan glọanlina yé to alihò lẹ po mẹ.
To nukunwhiwhe 52tọ mẹ, Japan yin nina penalty to whenuena Rasheedat Ajibade ze agbàwhlẹntọ yetọn jai to gọli mẹ. Ṣigba to VAR gbigbejepọn godo, nudide penalty tọn lọ yin didesẹ.
Mahopọna vivẹnudido yetọn Naijilia gú bo gọ jẹ odo to pipli C tọn mẹ dile yé gboawupo nado mọ agó (points) depope yí to agbawhinwhlẹn atọ̀n yetọn mẹ. Awhàngbigba Japan tọn ko hẹn yé lodo do otẹn aga tọn to pipli yetọn mẹ nado do huhlọn podo vivẹnudido yetọn po hia to agbawhinwhlẹn lọ mẹ
Asisa lẹ
- "Winless Super Falcons crash out of Paris Olympics after 3-1 loss to Japan".– Vanguard. July 31, 2024
- Ebenezer Bajela. "Falcons crash out of Paris 2024".– Punch. August 1, 2024