Sinsẹngán de na kú gbọn okàn didokọ na ẹn dali na e hù hasinọ-gán po mẹdevo lẹ po

Sọn Wikilinlin

Oguzangbe, Ayidosun 6, 2023

Whẹdọhọsa dé he tin to Port Harcourt ko dawhẹ̀ okú tọn na sinsẹngán dé, Chidiebere Okoroafor, gbọn okàn didokọ na ẹn dali na owhẹ̀ mẹ hùhù tọn wutu.

Okoroafor, he yin dowatọ ṣọṣi Altar of Solution and Healing Assembly tọn he tin to Oyigbo, ayimatẹn Rivers tọn mẹ yin whẹsadokọna dọ e hù hasinọ-gán etọn yedọ, Orlunma Nwagba, he e dohò na.

E sọ whẹsadokọna dọ e hù họntọn Nwagba tọn, Chigozie Ezenwa, po viyọnnu etọn osun widopo mẹvi, Cresabel po to azan 11tọ́ Awewesun, 2017 to lẹdo gandudu dokọtọn Oyigbo ayimatẹn lọ tọn.

Whẹdatọ lọ, S.O. Benson, dọdọ kunnudenu po hogbe gbeyíyí tọn sinsẹngán lọ tọn lẹ dohia dọ e wa danu mọnkọtọn lẹ.

Whẹdatọ Benson dọdọ kunnudenu lẹ hẹn ẹn diun dọ sinsẹngán lọ hùwhẹ mẹhuhu tọn bosọ degbe dọ e ni yin hùhù gbọn okàn didokọ na ẹn kakajẹ okú dali kavi yé ni do yẹnvi ylankan he nọ yawu hùmẹ na ẹn

Linlin-họsa Punch na linlin dọ yọnnu lọ lẹ yì dla sinsẹngán lọ pọn to owhé etọn gbe to Oyigbo nado dọho gando whẹho ohò lọ tọn go, whenẹnu wẹ e klọ yé biọ ogbe de mẹ bosọ wadanu lọ to otẹn voovo awe mẹ.

Ponọ ayimatẹn Rivers tọn lẹ ko wle Okoroafor sọn azan 17tọ́ Awewesun, 2017 whenu Asu Ezenwa tọn jẹwhẹ̀ gando okú omẹ lẹ tọn go.

Asisa lẹ[jlado | jla asisado]