Jump to content

Sinsẹngán Kenya tọn de yin wiwle to whenue hodotọ he biọ nado pe Jesu lẹ blanù jẹ kúdonu godo

Sọn Wikilinlin

Sẹgbe, Lidosun 16, 2023

Ponọ Kenya tọn lẹ dọdọ to Sibigbe yé ko wle nukọntọ sinsẹn tọn de to okú hodotọ ẹnẹ he linlin lẹ dohia dọ e dọna dọ yé ni do huvẹ na yede nado sọgan "pe Jesu" wutu godo.

Hodotọ widopo devo lẹ he yin agunvi ṣọṣi Good News International Church tọn he Makenzie Nthenge yin nukọntọ na, yin zize yì dotowhé, to whenue yé ko yin whinwhlẹn sọn zungbo Shakahola tọn he sẹpọ topẹvi Malindi tọn mẹ godo, atọ̀n to yé mẹ to ninọmẹ he ylan taun de mẹ,

Ponọ lẹ dọdọ e yọnbasi dọ mẹdevo lẹ he sọ dukosọ ylankan ehe ga lẹ na gbẹ yin mimọ.

Charles Kamau, he yin nukọntọ na mẹhe nọ dindona sẹ́nhẹngba to lẹdo Malindi tọn mẹ lẹ, dọdọ "sinsẹngán lọ yin wiwle to whenue e yì do ede hia to ponọpa mẹ godo, na e yọnẹn dọ yé to dindin emi wutu".

E yin wiwle jẹnukọnna azán he yin dido nado sọawuhia to whẹdatẹn to Tẹnigbe.

Ponọ lẹ tọ́nawhàn biọ zungbo he to lẹdo Kenya tọn lọ mẹ to whenue yé se dọ "tòvi homẹvọnọ lẹ to dido huvẹ na yede jẹ kúdonu po linlẹn lọ po nado pe Jesu, to whenue yé ko yin kiklọ godo gbọn mẹhe yin whẹsadokọna lọ, yèdọ Makenzie Nthenge, he yin sinsẹngán ṣọṣi Good News International Church tọn dali.

Omẹ ẹnẹ he yè mọ oṣiọ yetọn lọ lẹ ma ko yin yinyọnẹn.

To omẹ widopo he yin zize yì dotowhé lẹ mẹ, omẹ ṣinawe wẹ yin sunnu bọ omẹ ẹnẹ yin yọnnu, podọ yé to gblagbla owhe 17 po 49 tọn po ṣẹnṣẹn, wẹ linlin lọ dọ.

Asisa lẹ

Gọẹ yi sọn "https://guw.wikinews.org/w/index.php?title=Sinsẹngán_Kenya_tọn_de_yin_wiwle_to_whenue_hodotọ_he_biọ_nado_pe_Jesu_lẹ_blanù_jẹ_kúdonu_godo&oldid=14322"