Sòhẹntọ lẹ fìn sinsẹ̀ngán ṣọṣi Katoliki tọn de to Imo to whenue e lẹkọ sọn ṣiọdidi de tẹnmẹ

Sọn Wikilinlin

Sibigbe, Nuwhàsun 27, 2023

To Ahọluzangbe sinsẹ̀ngán Katoliki tọn de he nọ yin Fr. Mathias Opara yin fìnfìn ze gbọn sòhẹntọ lẹ dali.

Sinsẹ̀ngán lọ yin fìnfìn ze to aliho he tọ́n sọn Ejemekwuru yì Ogbaku ji, yèdọ ali daho de he pànta lẹdo gandudu dokọ̀ tọn Oguta po Mbaitoli tọn lẹ po mẹ, to ayimatẹn Imo tọn mẹ.

Kunnudetọ de he mọ nujijọ lọ dọna linlinnamẹtọ lẹ dọdọ sinsẹ̀ngán lọ to nuha to whenue e to húnkun lẹkọ jei Owerri he yin tatọ́-tònọ ayimatẹn lọ tọn, to whenue yé ko di oṣiọ otọ́ dopo to hagbẹ etọn lẹ tọn mẹ godo to lẹdo Izombo tọn mẹ, to lẹdo gandudu dokọ̀ tọn Oguta tọn mẹ.

E yin didọ dọ sinsẹ̀ngán lọ wẹ yin anadenanutọ Man of Order and Discipline tọn to ṣọṣi Katoliki tọn he to Owerri tọn.

Asisa nudọnamẹ lọ tọn dọdọ, "Sinsẹ̀ngán Fr. Mathias Opara, he mẹsusu yọnẹn to paa taidi Owu Ujo, ko yin fìnfìn ze to aliho he tọ́n sọn Ejemekwuru yì Ogbaku ji. Mẹdevo he to mọto dopolọ mẹ po e po delẹ sọ yin fìnfìn ze ga."

"Nujijọ lọ jọ to nukun mítọn mẹ. Mí lọsu lẹ lẹkọ sọn Owerri, sọn ṣiọdidi otọ́ sinsẹ̀ngán devo tọn de tẹnmẹ to Izombo, to lẹdo gandudu dokọ̀ tọn Oguta tọn mẹ."

To whenue yé kanhose sinsẹ̀ngán Fr. Raymond Ogu, he yin hoyidọtọ ṣọṣi Katoliki Owerri tọn, gando nujijọ lọ go, e yigbe dọ nujijọ lọ wá aimẹ nugbo.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Sòhẹntọ_lẹ_fìn_sinsẹ̀ngán_ṣọṣi_Katoliki_tọn_de_to_Imo_to_whenue_e_lẹkọ_sọn_ṣiọdidi_de_tẹnmẹ&oldid=18097"