Ponọ Osun tọn delẹ bẹ mẹgbéyinyan jẹeji whenue danuwatọ sohẹntọ lẹ fin nawe de

Azangaagbe, Nuwhàsun 10, 2023

Whési de he yinkọ etọn ma ko yin yinyọnẹn todin, yin finfin to Tẹnigbe sin afọnnu fuu to Odeomu, to aliho Osogbo-gbongan tọn ji to ayimatẹn Osun tọn mẹ.

Mẹfintọ lọ lẹ, ko to bibiọ naira livi 5 taidi mẹfligọkuẹ, nuhe wa yin sise wẹ yindo, yé yangbe ohún he bẹ nawe lọ po hagbẹ whẹndo tọn etọn lẹ po to nudi ogan 3 zanfinfọn tọn mẹ to Tẹnigbe.

Asisa hihọ́ tọn de, he ma jlo dọ yinkọ emitọn ni yin hinhẹn zun yinyọnẹn na dotẹnmẹ ma ko yin nina ẹn nado dá do whẹho lọ mẹ wutu, to whenue e to hodọdopọ hẹ linlinwe Punch Metro gando nujijọ lọ go, dọmọ, ohún he bẹ mẹhe go nujọ do lẹ po mẹdevo lẹ po dona ko yin hẹnnumẹ etọn, yé ko tlọn Ago Owu hóhó bo pànta Ikirun, whenẹnu wẹ yé biọ danuwatọ sohẹntọ lẹ sin alọmẹ to Oogi Ojudo-waji to Odeomu to nudi ogan 3 zanfinfọn tọn mẹ.

E yidogọ dọmọ, to whenue yé ko yi alokan sọn húnkuntọ lọ he yin asu mẹhe go nujọdo lọ po mẹdevo he to ohún lọ mẹ lẹ po si godo, mẹfintọ lọ lẹ plan nawe lọ yi gbémẹ.

Anadenanutọ ogbẹ́ Oodua Peoples Congress tọn to tòpẹvi Oogi tọn mẹ, Tosin Oluronbi, he yin dopo to hagbẹ mẹwhlẹntọ tọn lọ mẹ, dọmọ, mẹfintọ lọ lẹ ko ylọ hẹnnumẹ nawe lọ tọn bo biọ naira livi 5 taidi mẹfligọkuẹ.

Oluronbi dọmọ, "Yé dọna mi to nudi ogan 4 zanfinfọn tọn mẹ dọ, ogbẹ́ jaguda tọn delẹ to ajo jẹ to aliho Odeomu-Oogi tọn ji. Taidi nukọntọ ogbẹ́ jọja Oogi po podọ taidi anadenanutọ OPC tọn to tòpẹvi lọ mẹ, N'siọ to afọdopolọ ji gbọn yiylọ ponọ he to Oogi Highway Patrol tọn bọ mí yi nujijọ lọ tẹnmẹ.

"Nado jẹ nujijọ lọ tẹnmẹ, mí mọ húnnkuntọ lọ, bọ e dọna mí dọmọ, mí ja sọn Odeomu bọ emi doayi aliglọnnamẹnu de go bosọ mọ omẹ atọ̀n to ote to sẹpọ, e yidogọ dọmọ, mẹgbeyantọ lọ lẹ yi naira 33,000 he tin to húndotọ lẹ si, alokan yétọn lẹ podọ asi etọn gá.

Ogbẹ́ Ponọ Odeomu tọn, Highway Patrol tọn sọn Osogbo, Sekona po ogbẹ́ he nọ glọnalina mẹfinfin lọsu tin to nujijọ lọ tẹnmẹ, to afọdopolọ ji, mí biọ ogbé lọ me, ṣigba mí ma ko mọ nawe lọ. "To whenue mí gbẹ to nawe din, wẹ dopo to hagbẹ whẹndo mẹhe go nujọ do lọ tọn ylọ sọn Ikirun bo dọmọ, mẹfintọ lọ lẹ biọ mẹfligọkuẹ naira livi 5."

Hoyidọtọ na Ponọ ayimatẹn lọ tọn, Yemisi Opalola hẹn diun dọ, nujijọ lọ jọ nugbo, bo yidogọ dọmọ, azọ́n to yiyi alọnu nado whlẹn mẹhe yin finfin lọ magbleawu.

Asisa lẹ

• Bola Bamigbola. "Osun policemen begin manhunt as gunmen abduct woman" —Punch. May 9, 2023
• Adeyemo Adeolu. "Police launch manhunt on kidnappers as one abducted in Osun" —Tribune. May 9, 2023