Ponọ Ogun tọn lẹ ko wle dawe de na e zanhẹ viyọnnu etọn owhe atọ́n mẹvi wutu

Sọn Wikilinlin

Sibigbe, Nuwhàsun 27, 2023

Dawe owhe 28 mẹvi dé, Adeyemi Babatunde, ko yin wiwle gbọn Ponọ ayimatẹn Ogun tọn lẹ dali na zanhẹ viyọnnu etọn owhe atọ́n mẹvi wutu.

Mẹhe go yé vẹnudo lọ yin wiwle whenue onọ̀ viyọnnu lọ tọn ko yì jẹwhẹ̀ to ponọ-pamẹ he tin to Ijebu-Mushin godo.

Hoyidọtọ Ponọ lẹ tọn SP Abimbola Oyeyemi,do ehe hia linlin-kàntọ lẹ to hodidọ de whenu to Yọnnuzangbe. Oyeyemi dọdọ onọ̀ viyọnnu lọ tọn doayiego dọ ovi etọn nọ wule gando awufiẹsa he e nọ mọ whedepopenu he e jlo na hú adọ́. E sọ yidogọ dọ onọ lọ sọ doavigbè dọ ovi lọ nọ wẹnhun whedepopenu he emi to na lawu na ẹn.

E yin didọ dọ emi hẹn ovi lọ gánnugánnu nado dọ nuhe jọ do vijinu etọn go.

Oyeyemi dọdọ, "whenẹnu wẹ viyọnnu lọ dọna onọ̀ etọn dọ otọ́ emi tọn nọ zanhẹ emi whenue onọ̀ etọn ma tin to whegbe.

"Afọdopolọji, Ponọ-gán Ijebu Mushin tọn, CSP Simire Hillary, yawu do Ponọ hlan nado domọ́na mẹhe go ye vẹnudo lọ bọ e sọ yin wiwle.

To hokansemẹ whenu, mẹhe go ye vẹnudo lọ yigbe danu he e wa lọ tọn ṣigba e dọ emi ma yọn nuhe jẹ emi ji to whelọnu.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Ponọ_Ogun_tọn_lẹ_ko_wle_dawe_de_na_e_zanhẹ_viyọnnu_etọn_owhe_atọ́n_mẹvi_wutu&oldid=18082"