PSG xò Milan nadó gɔ dó adà ɖagbe yětɔn to Champions League mɛ
|
Cet article est écrit en Gun (Bénin) |
azangaagbe, kɔ́nyàsun 26, 2023
Kylian Mbappe, Randal Kolo Muani kpóɖo Lee Kang-in kpó wɛ dó agó ɖilě Paris Saint-Germain lɛkɔ dó ojlɛ ahwàngbigba tɔn yětɔn to Champions League mɛ kpóɖo agó 3-0 kpó sɔta bɔlu-xògbɛ́ AC Milan tɔn to azangaagbe.
PSG tin to jejeji nadó lɛkɔ sɔ́n gúgú agó 4-1 tɔn sɔta Newcastle to osɛ atɔ̀n xe wayi mɛ ɖilě yé wleawuna bɔlu-xòtɔ ɖagbe lɛ sɔta bɔlu-xògbɛ́ Italianu lɔ lɛ to Parc des Princes.
Mbappe wɛ dó agó tintan to adà tintan aihun lɔ tɔn hwenu exe nyí agó aotɔ ná bɔlu-xògbɛ́ tɔn to oxwe exe mɛ, bɔ Kolo Muani lɔsu sɔ dó agó ɖévo to ojlɛ kleun ɖé godo to hwenuena ná adà tintan lɔ wa vivɔnu.
Lee xe wa nyí ɖiɖyɔ́ dó aihun lɔ mɛ wɛ dó agó atɔ̀ntɔ to ogàngodo, exe nyí agó tintan ná bɔlu-xòtɔ Koreanu nukúndeji lɔ tɔn ná ogbɛ lɔ.
PSG jɛ nadó mɔ ahwàngbigba ɛnɛ yi kpóɖo adà Ligue 1 tɔn xe tindó bɔlu-xòtɔ nukɔntɔn kpóɖo cɛncɛn susu lɛ kpó sɔta Newcastle xe ko tin to bɛwlu mɛ.
"Xomɛ ce xùn tawun ná waɖotana mǐtɔn," wɛ Kolo Muani ɖɔ ná linlinɖɔtɔ Canal Plus.
"Ahwàngbigba exelɛ to nina omɛɖokpóɖokpó adɔgbigbo kpóɖɔ mǐ ɖóná zindónùkɔn to alixò exe mɛ".
Ahwàngbigba agó 2-0 tɔn sɔta Borussia Dortmund to bɛjɛeji agbàhwinwlɛn yětɔn to mɛ ko ze PSG dó otɛn tintan mɛ to kpikpli F kpóɖo agó (points) ciɖokpó kpó hwɛkpó yé nadó lɛkɔ yi Milan.
Alemɔtɔ European Champions League tɔn ná wla cianwe tin to odó to toɖoxukanji tɔn kpóɖo agó (points) awe kpó exe ko hɛn lɛnkpɔn ɖaxo wa ná adà Stefano Pioli tɔn.
"Ná nǔgbó tɔn mi ma tin to adà ɖagbe mɛ," wɛ Pioli ɖɔ.
"N to linlɛn ɖɔ Newcastle ma ná xò Dortmund ná é ná nyí alɔgɔ ɖé ná mi cigbǎ mǐ ma sɔgan to linlɛn ɖɔ kɔɖetɔn ɖékpó lɛ ná yi to alixò mǐtɔn mɛ."
Asisa lɛ
- "PSG beat Milan to get back on track in Champions League".– Vanguard. October 26, 2023
- "PSG outclass Milan to get back on track in Champions League".– Punch. October 25, 2023