Omẹ 20 kú to asidan agahun tọn mẹ to Hùwaji Soudan tọn
This article is written in Gun (Gungbe) |
Yọnnuzangbe 30, alunlunsun 2025
Agahun pẹvi de basi asidan to Hùwaji Soudan tọn to Azangaagbe, podọ e whè gbau omẹ 20 wẹ yin hùhù.
Agahun lọ tindo omẹ 21 to e mẹ, gọna agahun-kùntọ awe. Gbejizọnlin heyin titobasina gbọn azọ́nwhé amì tọn Chine tọn de dali he nọ yin Greater Pioneer Operating Co., wẹ Gatwech Bipal heyin ahọluzọnwatọ de sọn ayimatẹn Unity tọn mẹ dọ.
Asidan lọ jọ sẹpọ ogle amì tọn de dile agahun lọ to tintọ́n. E to zinzlọn jei Juba, heyin tòdaho tatọ́-tònọ Hùwaji Soudan tọn.
Linlin lẹ dọ dọ suhugan agahun-dotọ lẹ tọn wẹ yin azọ́nwatọ he nọ hẹn amì wá lẹ. Sọgbe hẹ U.N. Radio Miraya, mẹhe yin hùhù lọ lẹ bẹ Hùwaji Soudan tọn-nu, Inde-nu dopo, po Chine-nu awe po hẹn.
Nuhe hẹn asidan lọ wá ma ko yin yinyọnẹn gba, podọ yinkọ mẹhe kú lọ lẹ tọn ma ko yin mimá gba.
Hùwaji Soudan tọn, he jẹ mẹdekannu to 2011, nọ de amì susu tọ́n. Otò lọ to tintẹnpọn nado hẹn amì etọn jideji nado sọgan didẹ nuhahun akuẹ tọn lẹ na gandudu lọ.
Asisa lẹ
[jlado | jla asisado]- AP. "At least 18 killed after a small plane crashes in a remote part of South Sudan".– Africanews. January 29, 2025
- Nichola Mandil. "One survivor as 20 killed in South Sudan plane crash".– BBC News. 29 January 2025