Jump to content

Omẹ ṣidopo kú to asidan agahun dotowhé tọn pẹvi tọn de mẹ to Kenya, wẹ ahọluzọnwatọ de dọ

Sọn Wikilinlin
Gun
(Gungbe)

Cet article est écrit en Gun (Gungbe)
This article is written in Gun (Gungbe)

Yọnnuzangbe, Avivọsun 8, 2025

Omẹ ṣidopo ko kú to whenuena agahun pẹvi de he yin pipli nukunpedomẹgo dotowhé tọn de tọn gbà to tòdaho tatọ́-tònọ Kenya tọn mẹ, he yin Nairobi, sọgbe hẹ nuhe ahọluzọnwatọ de dọ.

Pipli he nọ yin yiylọdọ Amref Flying Doctors dọ dọ agahun pẹvi Cessna tọn tọ́nsọn agahun-glintẹn Wilson tọn to Yọnnuzangbe whèmẹ bo jei Hargeisa to Somalia to whenuena e gbà bo wle miyọ́n to lẹdo he tindo owhé lẹ mẹ to Githurai to Nairobi.

Henry Wafula he yin nukọntọ Kiambu County tọn dọ dọ omẹ ẹnẹ he tin to agahun lọ mẹ wẹ kú, podọ yé bẹ doto lẹ, doto mẹgopọntọ lẹ, po agahun-kùntọ lẹ po hẹn, podọ omẹ awe devo lẹ sọ kú to aigba ji ga, bọ omẹ awe sọ gbleawu sinsinyẹn.

Mẹhe nọ dindona asidan jẹhọn mẹ tọn lẹ ko yin didohlan fie agahun lọ gbà te na yé nido yọ́n nuhe hẹn ẹn wá.

Kenya Civil Aviation Authority dọ dọ agahun lọ doalọte nado dọho hẹ mẹhe nọ gọalọ to agahun-glintẹn lọ lẹ, podọ e sọ nọte do zomọ lọ ji he nọ gọalọna yé nado mọ fie agahun lẹ to zinzlọn te, nukunwhiwhe atọ̀n poun to whenuena agahun lọ ko tọ́nsọn agahun-glintẹn lọ mẹ godo.

Pipli lọ dọ dọ azọ́nwatọ ẹnẹ po mẹhe wá sọn Amref po tin to agahun lọ mẹ.

Nukọntọ daho Amref tọn, he yinkọ etọn nọ yin Stephen Gitau, dọ to owẹ̀n heyin kinkàndai de mẹ dọ, "To ojlẹ ehe mẹ, mí to azọ́nwa pẹkipẹki hẹ mẹhe to anadena jẹhọn lẹ po mẹhe to alọgọ to nọtẹn asidan tọn lọ mẹ lẹ po na mí nido sọgan yọ́n nugbo lọ to gigọ́mẹ gando nuhe jọ go."

Kenya Defence Forces po National Police Service po ko yì lẹdo asidan tọn lọ mẹ nado dín azọ́n po vọjlado po.

Mẹde he mọ nuhe jọ, mẹhe yinkọ etọn yin Patricia Kombo, dọna BBC dọ emi tin to mọto de mẹ hẹ họntọn emitọn lẹ yì Githurai to whenuena yé sè nudidọ de daga bo mọ hinhọ́n vẹẹ de to nukọn yetọn.

Whẹpo n'nado basi kandai alokan ṣie tọn, hinhọ́n lọ busẹ sọn aimẹ bọ azọ̀ jẹ agayi ji. Enẹgodo mí sè bọ gbẹtọ lẹ to awhádo bo to wezundo, podọ enẹ hẹn mí nado doalọtena gbejizọnlin mítọn.

"Enẹgodo mí doayi e go dọ agahun de ko gbà, podọ mí mọ odò he mẹ agahun he gbà lọ yin bibasi te to aigba," wẹ e dọ.

Asisa lẹ

[jlado | jla asisado]
Gọẹ yi sọn "https://guw.wikinews.org/w/index.php?title=Omẹ_ṣidopo_kú_to_asidan_agahun_dotowhé_tọn_pẹvi_tọn_de_mẹ_to_Kenya,_wẹ_ahọluzọnwatọ_de_dọ&oldid=20528"