Jump to content

Omɛ ciɖokpó kú to asidan agahun dotoxwé tɔn kpɛvi tɔn ɖé mɛ to Kenya, wɛ axɔluzɔnwatɔ ɖé ɖɔ

Sọn Wikilinlin
Gun
(Bénin)

Cet article est écrit en Gun (Bénin)
This article is written in Gun (Bénin)

Nyɔnuzangbe, Avivɔsun 8, 2025

Omɛ ciɖokpó ko kú to hwenuena agahun kpɛvi ɖé xe nyí kpikpli nukúnkpéɖomɛgo dotoxwé tɔn ɖé tɔn gbà to tòɖaxó tatɔ́-tònɔ Kenya tɔn mɛ, xe nyí Nairobi, sɔgbe xɛ nǔxe axɔluzɔnwatɔ ɖé ɖɔ.

Kpikpli xe nɔ nyí yiylɔɖɔ Amref Flying Doctors ɖɔ ɖɔ agahun kpɛvi Cessna tɔn tɔ́nsɔ́n agahun-glintɛn Wilson tɔn to Nyɔnuzangbe hwèmɛ bo jei Hargeisa to Somalia to hwenuena é gbà bo wle miyɔ́n to lɛdó xe tindó oxwé lɛ mɛ to Githurai to Nairobi.

Henry Wafula xe nyí nukɔntɔ Kiambu County tɔn ɖɔ ɖɔ omɛ ɛnɛ xe tin to agahun lɔ mɛ wɛ kú, kpóɖɔ yé bɛ doto lɛ, doto mɛgokpɔntɔ lɛ, kpó agahun-kùntɔ lɛ kpó hɛn, kpóɖɔ omɛ awe ɖévo lɛ sɔ kú to ayigba ji ga, bɔ omɛ awe sɔ gbleawu sinsinnyɛ.

Mɛxe nɔ dindóná asidan jɛhɔn mɛ tɔn lɛ ko nyí didóhlan fie agahun lɔ gbà te ná yé nidó yɔ́n nǔxe hɛn ɛn wá.

Kenya Civil Aviation Authority ɖɔ ɖɔ agahun lɔ ɖoalɔte nadó ɖɔxo xɛ mɛxe nɔ gɔalɔ to agahun-glintɛn lɔ lɛ, kpóɖɔ é sɔ nɔte dó zomɔ lɔ ji xe nɔ gɔalɔná yé nadó mɔ fie agahun lɛ to zinzlɔn te, nukúnxwixwe atɔ̀n kpoun to hwenuena agahun lɔ ko tɔ́nsɔ́n agahun-glintɛn lɔ mɛ Godo.

kpikpli lɔ ɖɔ ɖɔ azɔ́nwatɔ ɛnɛ kpó mɛxe wá sɔ́n Amref kpó tin to agahun lɔ mɛ.

Nukɔntɔ ɖaxo Amref tɔn, xe nyǐkɔ etɔn nɔ nyí Stephen Gitau, ɖɔ to owɛ̀n xe nyí kinkànɖayǐ ɖé mɛ ɖɔ, "To ojlɛ exe mɛ, mǐ to azɔ́nwa kpɛkikpɛki xɛ mɛxe to anaɖena jɛhɔn lɛ kpó mɛxe to alɔgɔ to nɔtɛn asidan tɔn lɔ mɛ lɛ kpó ná mǐ nidó sɔgan yɔ́n nǔgbó lɔ to gigɔ́mɛ gandó nǔxe jɔ go."

Kenya Defence Forces kpó National Police Service kpó ko yì lɛdó asidan tɔn lɔ mɛ nadó dǐn azɔ̌n kpó vɔjladó kpó.

Mɛɖé xe mɔ nǔxe jɔ, mɛxe nyǐkɔ etɔn nyí Patricia Kombo, ɖɔná BBC ɖɔ emi tin to mɔto ɖé mɛ xɛ hɔ́ntɔn emitɔn lɛ yì Githurai to hwenuena yé sè nuɖiɖɔ ɖé ɖaga bo mɔ hinhɔ́n vɛɛ ɖé to nukɔn yětɔn.

Hwɛkpó n'nadó basí kanɖayǐ alokan ce tɔn, hinhɔ́n lɔ busɛ sɔ́n aimɛ bɔ azɔ̀ jɛ agayi ji. Enɛgodo mǐ sè bɔ gbɛtɔ́ lɛ to axwáɖo bo to wezundó, kpóɖɔ enɛ hɛn mǐ nadó ɖoalɔtena gbejizɔnlin mǐtɔn.

"Enɛgodo mǐ ɖoayi é go ɖɔ agahun ɖé ko gbà, kpóɖɔ mǐ mɔ odò xe mɛ agahun xe gbà lɔ nyí bibasí te to ayigba," wɛ é ɖɔ.

Asisa lɛ

Gọẹ yi sọn "https://guw.wikinews.org/w/index.php?title=Omɛ_ciɖokpó_kú_to_asidan_agahun_dotoxwé_tɔn_kpɛvi_tɔn_ɖé_mɛ_to_Kenya,_wɛ_axɔluzɔnwatɔ_ɖé_ɖɔ&oldid=20536"