Omɛ 20 kú to asidan agahun tɔn mɛ to Xùwaji Soudan tɔn
|
Cet article est écrit en Gun (Bénin) |
nyɔnuzangbe 30, alunlunsun 2025
Agahun kpɛvi ɖé basí asidan to Xùwaji Soudan tɔn to azangaagbe, kpóɖɔ é hwè gbau omɛ 20 wɛ nyí xùxù.
Agahun lɔ tindó omɛ 21 to é mɛ, gɔná agahun-kùntɔ awe. Gbejizɔnlin xe nyí titobasíná gbɔn azɔ́nxwé amì tɔn Chine tɔn ɖé dali xe nɔ nyí Greater Pioneer Operating Co., wɛ Gatwech Bipal xe nyí axɔluzɔnwatɔ ɖé sɔ́n ayimatɛn Unity tɔn mɛ ɖɔ.
Asidan lɔ jɔ sɛkpɔ ogle amì tɔn ɖé ɖilě agahun lɔ to tintɔ́n. É to zinzlɔn jei Juba, xe nyí tòɖaxó tatɔ́-tònɔ Xùwaji Soudan tɔn.
Linlin lɛ ɖɔ ɖɔ suhúgǎn agahun-ɖotɔ lɛ tɔn wɛ nyí azɔ́nwatɔ xe nɔ hɛn amì wá lɛ. Sɔgbe xɛ U.N. Radio Miraya, mɛxe nyí xùxù lɔ lɛ bɛ Xùwaji Soudan tɔn-nu, Inde-nu ɖokpó, kpó Chine-nu awe kpó hɛn.
Nǔxe hɛn asidan lɔ wá ma ko nyí nyinywɛ gba, kpóɖɔ nyǐkɔ mɛxe kú lɔ lɛ tɔn ma ko nyí mimá gba.
Xùwaji Soudan tɔn, xe jɛ mɛɖekannu to 2011, nɔ ɖé amì susu tɔ́n. Otò lɔ to tintɛnkpɔn nadó hɛn amì etɔn jiɖeji nadó sɔgan ɖiɖɛ nuxahun akwɛ́ tɔn lɛ ná ganɖuɖu lɔ.
Asisa lɛ
[jlado | jla asisado]- AP. "At least 18 killed after a small plane crashes in a remote part of South Sudan".– Africanews. January 29, 2025
- Nichola Mandil. "One survivor as 20 killed in South Sudan plane crash".– BBC News. 29 January 2025