Nukọntọ agbegbe Ogun tọn lẹ họ̀n dile wehọmevi lẹ fọngu gando okú hagbẹ yetọn tọn go

Sọn Wikilinlin

Oguzangbe, Nuwhàsun 30, 2023

Mí sè dọ avun daho de jọ to komẹnu lẹ he tin to agbegbe de mẹ po wehọmevi wehọmẹ alavọ tọn Tai Solarin University of Education, tọn po ṣẹnṣẹn to Ijagun, ayimatẹn Ogun tọn mẹ, dile ohọ̀ ẹnẹ yin fifiọ́ do.

Danu lọ bẹjẹeji to agbegbe Imaweje tọn to lẹdo Ijagun, to Ijebu-Ode whenue e yin didọ dọ wehọmevi de he tin to ohọ̀ atọ̀ntọ́ mẹ he ma ko yin yinyọnẹn de, yin hùhù gbọn mẹhe tin to lẹdo lọ mẹ lẹ dali.

E yin didọ dọ mẹhe tin to lẹdo lọ mẹ lẹ ko sawhẹ dokọna matintọ lọ dọ e tin to ogbẹ ylankan. Linlin okú wehọmẹvi lọ tọn sà biọ wehọ lọ mẹ po fihe wehọmẹvi lẹ nọ nọ po, ehe wẹ hẹn hagbẹ etọn lẹ fọngu bọ yé sọ tọ́navun agbegbe lọ.

E yin didọ dọ yé tọ́navun owhé nukọntọ agbegbe lọ tọn bosọ domiọ́n owhé lọ, dile owhé ogán devo lẹ tọn sọ yin hinhẹngble do.


Yè dohia dọ nukọntọ agbegbe lọ tọn lẹ họ̀n sọn lẹdo lọ mẹ nado basi hihọ́ na yede, podọ wehọmevi he tin to lẹdo lọ mẹ lẹ lọsu họ̀n bo jọ nọtẹn yetọn lẹ do.

Kọmẹnu de he dọho po linlin-kàntọ lẹ po dohia dọ nugbo wẹ dọ yé tọ́navun nukọntọ agbegbe lọ mẹ tọn lẹ, bosọ yidogọ dọ mẹlẹpo ko họn sọn agbegbe lọ mẹ.

Kọmẹnu lọ he ma jlo na do ede hia, dọdọ wehọmevi delẹ he yè dọ yé tin to ogbẹ ylankan mẹ wẹ hẹn hùnyanhùnyan lọ siyẹn dogọ dile e yín didọ dọ yé to gufọn gando okú dopo to yé mẹ tọn go.

E dọdọ "hùnyanhùnyan lọ bẹjẹeji to Ahọluzangbe ṣigba e siyẹn godọ to Sẹgbe. Yé hò matintọ lọ to agbegbe lọ mẹ na e tin to ogbẹ́ ylankan mẹ wutu. Whenue yé hò e po godo, yé jọ e do, ṣigba whenuena e yín zize yi dotowhe, e yin lala dọ e ko kú.

"Enewutu, wehọmevi lọ lẹ gblehomẹ taun, bo gbọnmọ dali yì domiọ́n owhé kọmẹ-gán agbegbe lọ tọn po owhe devo lẹ he wehọmẹvi lẹ nọ nọ emẹ po.

Asisa lẹ[jlado | jla asisado]