Nawe ɖé kɔ̀n amì miyɔ́nawu dó asu etɔn go ná hwɛxo gbemanɔkpɔ tɔn ɖé wutu to Rivers
|
Cet article est écrit en Gun (Bénin) |
sibigbe, kɔnyàsun 14, 2023
Mǐ sè ɖɔ nawe ɖé xe nyí nyinywɛ tayiɖi Hope Nwala, kɔ̀n amì miyɔ́nawu dó asu etɔn, Ekelediri Nwankwo go to agbegbe Okehi tɔn to ledó ganɖuɖu ɖokɔtɔn Etche ayimatɛn Rivers tɔn mɛ. É nyí ɖiɖɔ ɖɔ asu kpó asi kpó lɔ ko tindó avun makpóte ɖé gandó jijɔ nɔvinyɔnu asi lɔ tɔn xe nɔ nɔ kpó yé kpó go. É nyí ɖiɖɔxya ɖɔ ɖilě etlɛ nyíɖɔ nujijɔ lɔ wa aimɛ to Etche, nawe lɔ (Hope) nyí vijiji agbegbe Obite tɔn to lɛdó ganɖuɖu ɖokɔ tɔn Ogba/Egbema/Ndoni ayimatɛn lɔ tɔn. To hwenue dǎwe lɔ, Nwankwo, to oxò dóxya linlin-kàntɔ lɛ to azangaagbe, é ɖɔɖɔ nɔvinyɔnu asi emitɔn tɔn ko nɔ to mɛmasi dóxya emi, enɛwutu wɛ é dó basí ɖiɖe nadó sɛ́ ɛ lɛkɔ dó otò etɔn mɛ ná é ma sɔgan kɛalɔyi jijɔ etɔn ba.
Cigbǎ dǎwe lɔ ɖɔɖɔ nukpacamɛ ɖé wɛ é nyí ná emi ɖɔ asi etɔn jɛagɔ dó nuɖiɖe lɔ, exe hɛn nudinɖɔn sinsiɛn wa to asu kpó asi lɔ kpó cɛncɛn.
Nwankwo ɖɔ emi yi adɔgbigbo dó kpanukɔn asi emi tɔn gandó nǔxe go emi ɖoayi lɔ kpóɖɔ é sɔ byɔ́ nadó nyɔ́ mɛxe sunnu lɔ nyí, cigbǎ asi lɔ ɖyɔ́ oxó zun adan bosɔ kɔ̀n amì miyɔ́nawu dó emi go hwenu emi to amlɔn mɛ hwenue é ko lì emi kpó cóhwènú kpó godo.
Xoyiɖɔtɔ Kponɔ lɛ tɔn ayimatɛn lɔ tɔn, Grace Iringe-Koko hɛn ɛn ɖiun ɖɔ nǔgbó wɛ ɖɔ nujijɔ lɔ wa aimɛ, ɖɔ dodinnanu to yìyì to alɔnu cigbǎ nawe lɔ ko hɔ̀n.
Asisa lɛ
- Dennis Naku. "Rivers: Woman bathes husband with hot oil over disagreement". — Punch. October 11, 2023
- "Rivers’ woman bathes husband with hot oil". — Vanguard. October 12, 2023