Melaye mọ gbedewema yí nado dù ayimatẹn-gán Kogi tọn sọn tònudọgbẹ́ PDP tọn mẹ, dile tònudọgbẹ́ LP tọn do omẹ yetọn hia

Tẹnigbe, Lidosun 17, 2023

Mẹhe yin dopo to wedegbẹ́ tonudidọ dayi tọn na wheyihọwaji Kogi tọn, Dino Melaye, ko yin dide nado nọte na tonudọgbẹ Peoples Democratic Party PDP taidi mẹhe na du ayimatẹn-gán to vòbibla he na wa aimẹ to azan Widopotọ́ Abọ̀húsun tọn to ayimatẹn Kogi tọn mẹ.

Melaye mọ ovò 313 yí nado dù to mẹhe sẹpọ ẹ hugan to agbàwhinwhlẹn lọ mẹ Jabiru Usman ji, he tindo ovò 127. Azinponọ na hagbẹ he deanana vòbibla lọ, Ahmed Makarfi, lá kọdeton vòbibla lọ tọn he yin bibasi to Sẹgbe to Lokoja.

Mọdopolọ, to wezun lọ mẹ wẹ mẹbọdo ayimatẹn-gán ayimatẹn lọ tọn dayi tọn, Yomi Awoniyi he mọ ovò 77, dopọ mẹhe tọ́n nadu du ayimatẹn-gán sọn tonudọgbẹ PDP tọn mẹ to 2019, Musa Wada, tin to otẹn ẹnẹtọ́ mẹ po ovò 56 po.

To ojlẹ enẹ mẹ, whẹ̀yidọtọ de, Adejo Okeme, to Sẹgbe, tọ́n taidi mẹhe tonudọgbẹ Labour Party LP tọn dè na vòbibla ayimatẹn-gán tọn to azan Widopotọ́ Abọ̀húsun tọn to ayimatẹn Kogi tọn mẹ. Okeme mọ ovò 127 yí nado dù to mẹhe sẹpọ ẹ hugan, Isaac Alfa ji, he mọ ovò 69 yí to vòbibla he yin bibasi to Sibigbe to Lokoja.

Asisa lẹ

• Gbenga Odogun." Melaye wins Kogi PDP gov ticket, LP names candidate". — Punch. April 17, 2023
• Tijani Labaran." Dino Melaye Clinches PDP Guber Ticket In Kogi". — Daily Trust. April 16, 2023