Mbappe do agó awe dile Real Madrid duto Real Betis ji podo agó awe po

Tẹnigbe, Zósun 2 2024

Kylian Mbappe do agó tintan etọn to La Liga mẹ na Real Madrid sọta Real Betis to bọlugbatẹn Santiago Bernabeu tọn mẹ to Sẹgbe dile etlẹ yindọ e ko gboawupo nado do agó to agbàwhinwhlẹn atọ̀n mẹ sọn whenue gbọn ehe e do agó sọta Atalanta to agbàwhinwhlẹn UEFA Super Cup tọn mẹ.

To vivẹnu susu to adà tintan aihùn lọ tọn godo, bọlugbatọ France tọn lọ do agó to nukunwhiwhe 67tọ mẹ dile e yi afọ̀ amiyọn do agó podo alọgọ sọn Fede Valverde de.

To nukunwhiwhe ṣiantọn godo e do agó awetọ ehe yin "penalty" whẹpo e do yin dide na Luka Modric to nukunwhiwhe 84tọ mẹ.

Ayajẹ he tin to nukunji na Mbappe do nuhe tin to ahùn etọn mẹ hia sọn whenue e do agó tintan etọn bosọ mọ ale yi to Warsaw to Avivọssun 14tọ. Agbàwhinwhlẹn la liga atọ̀n wẹ ko bọdego ehe e gboawupo nado do agó ehe zọn bọ e yin homọdọdomẹgo gbọn linlindọtọ lẹ dali.

To Sibigbe, Carlo Ancelotti he yin anademẹtọ yiavunlọna ẹ bo dohia dọ bolugbatọ he diyin lọ to tintẹnpọn ganji.

"Nugbo wẹ dọ e ma ko do agó ṣigba to tintẹnpọn ganji podo e to vivẹnu do to whelẹponu. N'ma lẹndọ e tindo nuhahùn depope nado diọda", wẹ Ancelotti dọ, dile e to tintẹnpọn nado dohia dọ bọlu-hògbẹ́ lọ wẹ ma ko gọjẹ nugopipe yetọn mẹ.

Asisa lẹ

"Mbappe bags brace as Real Madrid secure 2-0 win against Real Betis".– Vanguard. September 1, 2024

"Mbappe scores first La Liga goals in Real Madrid win".– Punch. September 1, 2024