Man United xò Barcelona 2-1 nadó zindónùkɔn yi adà bɔlu-xògbɛ́ 16 xe gbɔngodo lɛ tɔn to Europa League mɛ
|
Cet article est écrit en Gun (Bénin) |
sibigbe, afínkplɔsun 25, 2023
Manchester United ɖuto Barcelona ji nadó zindónùkɔn yi adà bɔlu-xògbɛ́ 16 xe gbɔngodo lɛ tɔn to Europa League mɛ ɖilě agó Antony tɔn zɔn bɔ yé gbahwàn kpóɖo agó 2-1 kpó to ozán lɔ mɛ bosɔ tindó vogbingbɔn agó 4-3 tɔn to nyɔnuzangbe.
Agó penalty tɔn xe Lewandowski dó to bɛjɛeji aihun lɔ tɔn mɛ wɛ ná Barcelona dótɛnmɛ bɛjɛeji ɖagbe tɔn to Bɔlugbatɛn Old Trafford tɔn. Cigbǎ bɔlu-xòtɔ nukɔntɔn La Liga tɔn lɔ gbɔawukpó nadó zindónùkɔn yi adà bɔlu-xògbɛ́ 16 xe gbɔngodo lɛ tɔn ɖilě Fred yawu fli agó lɔ lɛkɔ to bɛjɛeji adà awetɔ aihun lɔ tɔn mɛ hwɛkpó Antony dó dó nugokpikpé etɔn xya sɔ́n hwenue gbɔn é ko xokpóɖóná Manchester sɔ́n Ajax.
United lɛ ma ko gú aihun ɖékpókpé to agbàhwinwlɛn 18 mɛ sɔ́n zósun cigbǎ bo nyí hinhɛn ganuganu nadó lɛkɔ sɔ́n gúgú mɛ ná hwla awetɔ.
Asisa lɛ
- "Man United beat Barcelona 2-1, progress to Europa League last 16". — Punch. February 23, 2023