Liverpool xò Man United 7-0
Cet article est écrit en Gun (Bénin) |
tɛnigbe, xwejisun 6, 2023
Bɔlu-xògbɛ́ lɔ dó nugokpikpé yětɔn xya ɖilě Mohammed Salah lɛzun mɛxe tindó agó xe suhúgǎn ná ogbɛ́ tɔn to Premier League mɛ ɖilě yé ɖuto Manchester United ji kpóɖo agó 7-0 kpó to Bɔlugbatɛn Anfield tɔn.
Mohamed Salah wɛ jɛnukɔn gbɔn didó agó awe nadó sɔzɛn to agó mɛ xɛ Robbie Fowler xe dó agó 128 ná Liverpool to Premier League mɛ.
Manchester United gbɔawukpó nadó dó agó to hwenuena yé mɔ dótɛnmɛ hunɖote etɔn to bɛjɛeji aihun lɔ tɔn hwenu ɖilě Bruno Fernandes kpóɖo Marcus Rashford kpó hɛn dótɛnmɛ hunɖote agó ɖagbe tɔn lɛ bu. Liverpool ɖugan dó aihun lɔ ji to nukúnxwixwe 43tɔ mɛ to hwenuena Gakpo dó agó kpóɖo alɔgɔ sɔ́n Andrew Robertson ɖé.
Liverpool lɛ zindónùkɔn to adà awetɔ aihun lɔ tɔn mɛ ɖilě Darwin Nunez dó agó kpóɖo ota kpó sɔta Degea to nukúnxwixwe awetɔ adà awetɔ aihun lɔ tɔn mɛ nadó yidógɔ́ná nukɔnyiyi yětɔn.
Salah ɖu ale bɔlu tɔn sɔta Lisandro Martinez nadó basí alɔgɔ ná Gakpo xe dó agó awetɔ.
Mohamed Salah lɔsu dó agó awetɔ nadó lɛzun mɛxe tindó agó xe suhúgǎn ná Liverpool to Premier League mɛ kpóɖo agó 129 kpó nadó zɛ Robbie Fowler go.
Roberto Firmino xe ko basí nulila nadó tlɔn Anfield to vivɔnu oxwe exe tɔn dó agó godo ɖagbe tadóná tɔn nadó dó akpa ɖaxo Manchester United xe tin to anaɖemɛ Erik ten Hag glɔ.
Asisa lɛ
[jlado | jla asisado]- Adegboyega Adeleye. "Liverpool annihilate shambolic Man United 7-0". — Vanguard. March 5, 2023
- David Ben. "As it happened: Liverpool annihilate Manchester United 7-0 in the Premier League". — Pulse Sports. March 5, 2023