Liverpool hɛn Arsenal ganúganú to agbàhwinwlɛn nadó mɔ ale Premier League tɔn yi

Cet article est écrit en Gun (Bénin)

azangaagbe, liɖosun 12, 2023
Arsenal gɔ jɛ ozɛn kpóɖo agó 2-2 kpó sɔta Liverpool to sɛgbe to hwenuena yé ko jɛ nukɔn to agbàhwinwlɛn lɔ mɛ to hwɛxwɛ hwenu ɖilě yé ná Manchester City dótɛnmɛ todidó yɔ́yɔ́ tɔn nadó sɔ́n hɛn ale Premier League tɔn lɔ ɖote.

Bɔlu-xòtɔ Mikel Arteta tɔn lɛ yi agó (points) ciɖokpó dó to nukɔná Man City to toɖoxukanji lɔ mɛ cigbǎ bɔlu-xògbɛ́ akonka exe xe to xixɔ́basíná alɛ yětɔn ko tindó todidó lɔ todin nadó sɔ hɛn alɛ lɔ ɖote dó alɔ yětɔn mɛ.

Man City gbɛ tindó aihun ɖokpó exe yé ná gbá sɔta Gunners to bɔlu-gbatɛn Etihad tɔn mɛ to osun lɔ mɛ.

Agó lɛ sɔ́n Gabriel Martinelli kpóɖo Gabriel Jesus ɖé kpó tayiɖi nǔxe ná todidó nukɔn yíyí ahwàngbigba ciantɔntɔ ɖébɔɖoɖego tɔn ná Arsenal.

Cigbǎ Mohamed Salah fli agó ɖokpó lɛkɔ hwɛkpó adà tintan aihun lɔ tɔn dó wa vivɔnu nadó fɔ́n zohúnhún Liverpool tɔn ná kɔlilɛwa yětɔn ná adà awetɔ.

Salah gú dótɛnmɛ kpénalty tɔn to adà awetɔ aihun lɔ tɔn hwenu hwɛkpó Roberto Firmino dó dó agó kpóɖo ota kpó nadó jɛ ozɛn to nukúnxwixwe atɔ̀ntɔ exe aihun lɔ ná wa vivɔnu mɛ.

Omɛ Jurgen Klopp tɔn lɛ gú dótɛnmɛ susu lɛ nadó gbahwàn ɖilě bɔlu wletɔ Arsenal tɔn Aaron Ramsdale hɛn ɖiun ɖɔ emi basí xihɔ́ná agó (point) ɖokpó ná adà etɔn.

Asisa lɛ

"Liverpool hold Arsenal in blow to Premier League title bid".– Punch. April 9, 2023
"Arsenal Held By Liverpool In Blow To Premier League Title Bid".– Daily Trust. April 10, 2023