Kane do agó awe dile Tottenham dlan Palace do gboji podo agó 4-0 po

Sọn Wikilinlin

Yọnnuzangbe, Alunlunsun 5, 2023

noicon
Icon of loudspeaker
Hoyido-kanji ehe yin bibasi sọn vọjlado nukinkan tọn mẹ he yin bibasi to 05-01-2023, enẹwutu e ma sọgan dó vọjlado dìn tọn hia todin.

To Azangaagbe Tottenham hò Crystal Palace 4-0 to aihun Premier League tọn yetọn mẹ to Selhurst Park Stadium.

Bọlu-hòtọ nukọntọn Hary Kane wẹ do agó awe debọdodego to adà awetọ aihun lọ tọn mẹ, to nukunwhiwhe 48tọ podo 53tọ po bọ Matt Doherty do agó devo to nukunwhiwhe 63tọ mẹ whẹpo Son Heung-Min sọ do do agó godo tọn to nukunwhiwhe 72tọ mẹ to Selhurst Park Stadium.

Bọlu-hòtọ adà Patrick Veira tọn lẹ tẹnpọn nado glọnalina Spurs lẹ ma nado do agó depope to adà tintan aihun lọ tọn mẹ ṣigba bo gbọawupo nado zindonukọn to vivẹnudido yetọn mẹ to adà awetọ mẹ ehe zọn bọ Tottenham do jẹ agó do ji pludopludo.

Spurs ko tindo agó (points) 33 todin bosọ tin to otẹn atọ́ntọ mẹ to todohukanji bọlu-hòtọ lẹ tọn ji to whenuena Crystal Palace tin otẹn wiawetọ podo agó (points) 22 po.

Kane mọ ale bọlu-hòtọ he wa dagbe hugan to aihun lọ mẹ tọn yi na agó awe ehe e do tọn wutu, na e wọ wẹ hẹn diọdo ehe sin nuhudo yé tindo tọn wa aimẹ.

Asisa lẹ[jlado | jla asisado]