Kane dó agó 200tɔ etɔn to Premier League mɛ ɖilě Tottenham ɖuto Man City ji

Cet article est écrit en Gun (Bénin)

tɛnigbe, afínkplɔsun 6, 2023
Harry Kane ko dó agó 200 to Premier League mɛ ná bɔlu-xògbɛ́ Tottenham Hotspur to agbàhwinwlɛn ɖé mɛ xe fó kpóɖo agó 1-0 kpó sɔta bɔlu-xògbɛ́ akonka xe nyí Man City.

Kane dó agó to hwenuena Pierre-Emile Hojberg ɖu ale bɔlu tɔn sɔta Rodri nadó basí alɔgɔ ná Kane exe zɔn bɔ é dó dó agó 17tɔ to oxwe exe mɛ.

Bɔlu-xògbɛ́ xe tin to xwegbe fó aihun lɔ kpóɖo omɛ ao kpó to hwenuena Christian Romero yi kati vɛvɛ.

Kpóɖɔ agó ɖokpó gee Kane tɔn to agbàhwinwlɛn lɔ mɛ wɛ nyí agó 267tɔ ná ogbɛ́ Spurs tɔn exe zɔn bɔ é dó lɛzun mɛxe tindó agó xe suhúgǎn ná bɔlu-xògbɛ́ lɔ.

Kane ko lɛzun bɔlu-xòtɔ atɔ̀ntɔ xe ko dó agó 200 to Premier League mɛ to aihun 416 exe é ko tindó maxɛ te mɛ sɔ́n hwenue gbɔn é bɛ bɔlu-xixò jɛeji ná North London lɛ to gblagbla oxwe 2012 kpóɖo 2013 kpó mɛ.

To alɔ ɖévo mɛ, wezun hinhɔn Manchester City tɔn ko nyí bibɛkpla ɖilě yě to tintɛnkpɔn nadó ɖé agó (points) xe tin to cɛncɛn yětɔn kpóɖo Arsenal tɔn kpó dó agó (points) awe.

Asisa lɛ

Kane scores 200th PL goal as Tottenham beat Man City". — Vanguard. February 5, 2023