Jota hɛn vivɛnudidó Spurs tɔn nadó lɛkɔ sɔ́n gúgú mɛ gble ɖilě Liverpool ɖuto yé ji to agbàhwinhwlɛn xe fó kpóɖo agó cinawe kpó
|
Cet article est écrit en Gun (Bénin) |
oguzangbe, nuxwàsun 2, 2023
Liverpool hɛn todidó kpɛviɖé xe kpó ná yé dó ogbɛ nadó fó dó otɛn ɛnɛtɔ to Premier League mɛ ɖilě agó ogàngodo Diogo Jota tɔn hɛn vivɛnudidó Tottenham tɔn nadó lɛkɔ sɔ́n gúgú agó atɔ̀n mɛ gble ɖilě agbàhwinwlɛn lɔ fó kpóɖo agó 4-3 kpó to sɛgbe.
Jota dó agó ahwàngbigba tɔn to nukúnxwixwe kpɛviɖé exe Richarlison dó agó kpóɖo ota kpó ná Tottenham godo nadó jɛ ozɛn toogàngodo to bɔlu-gbatɛn Anfield tɔn mɛ.
Curtis Jones wɛ ze Liverpool dó nukɔn hwɛkpó Luiz Diaz xe tindó maxɛ to aihun lɔ mɛ ná wla tintan sɔ́n kɔ́nyàsun gbɔn exe é ko nyí awugblena dó agó awetɔ to nukúnxwixwe atɔ́ntɔ aihun lɔ tɔn mɛ to Anfield.
Agó penalty exe Mohamed Salah dó sɔ dlɛnkana ganɖuɖu Liverpool tɔn dó aihun lɔ ji hwɛkpó Harry Kane dó fli agó ɖokpó lɛkɔ nadó tindó agó 208tɔ etɔn to Premier League mɛ.
Bɔlu-xòtɔ nukɔntɔn ná Tottenham ko tindó kànɖayǐ agó Wayne Rooney tɔn to Premier League mɛ nadó lɛzun omɛ awetɔ xe tindó agó xe suhúgǎn to godo ná Alan Shearer.
Agó Kane tɔn nyí xixokpóɖóná gbɔn agó ogàngodo tɔn sɔ́n Son Heung-min kpóɖo Richarlison kpó nadó hɛn aihun lɔ wa vivɔnu.
Asisa lɛ
[jlado | jla asisado]- "Jota ruins Spurs fightback as Liverpool win seven-goal thriller".– Vanguard. April 30, 2023
- Andy Hunter. "Diogo Jota wins thriller for Liverpool after Spurs’ rousing late comeback".– The Guardian. April 30, 2023