Jonọ 27 siọ do sẹpọ Lampedusa, bọ mẹsusu devo lẹ yin whinwhlẹngán
|
Cet article est écrit en Gun (Gungbe) |
Ahọluzangbe, Avivọsun 15, 2025
To Azangaagbe, e whè gbau jonọ 27, he bẹ viyẹyẹ de po ovi atọ̀n devo lẹ po hẹn, kú to whenuena tọjihun lọbanọ sinsinyẹn awe siọ to ohù ji to nudi kilomẹtlu 22 sọn lopo Italy tọn Lampedusa tọn ji. Tọjihun lọ lẹ ko tọ́nsọn Libya bo to mẹhe to hinhọ̀nna awhàn po ohẹ́n po lẹ hẹn.
Ahọluzọnwatọ Italy tọn lẹ dọ dọ omẹ 60 wẹ yin whinwhlẹngán. To yé mẹ wẹ ovi 21 tin te matin mẹjitọ he wá sọn Pakistan, Egypt, Somalia, po Sudan po lẹ. Omẹ ehelẹ yin pinplan yì nọtẹn de to Lampedusa fie yè nọ yí jonọ lẹ te. Azọ́n gbẹwhlẹngán tọn bẹjẹeji whladopo dogọ to Yọnnuzangbe afọnnu, na hugan omẹ 15 ko bú.
Nujijọ awubla tọn ehe jọ to ojlẹ de mẹ whenuena sọha mẹyọyọ he ṣẹṣẹ wá tọn fọ́n bo to jijideji. Ojlẹ vude to zánhomẹ godo, tọjihun jonọ atọ̀n devo lẹ wá Lampedusa, bo hẹn sọha mẹyọyọ he ṣẹṣẹ wá finẹ to ganhiho godo tọn mẹ lẹ tọn jideji hugan gbẹtọ 100.
Pipli he nọ gọalọna jonọ lẹ nado dọ dọ ali ṣẹnṣẹn Mediterranean tọn gbẹ́ yin dopo to ali ohù ji tọn he nọ hẹn owù wá hugan to aihọn mẹ lẹ mẹ, bọ gbẹtọ fọtọ́n susu nọ kú to whemẹwhemẹ dile yé to tintẹnpọn nado jẹ Europe.
Asisa lẹ
[jlado | jla asisado]- 27 migrants drown off Lampedusa, dozens rescued. — Africanews. 14 Avivọsun 2025
- Fiona Nimoni. Dozens of migrants killed after boats capsize off Italian coast. — BBC News. 14 Avivọsun 2025