Gbẹtọ lẹ to homẹgble na dopo to sunnu heyin whẹsadokọna to whẹho mẹhuhu to ogle ohàn tọn de mẹ tọn mẹ lẹ ko yin dotẹnmẹna nado yì vọnu wutu
|
Cet article est écrit en Gun (Gungbe) |
Yọnnuzangbe, Avivọsun 7, 2025
Whẹwhinwhẹ́n he wutu whẹylọmẹtọ lọ lẹ do de whẹsadokọnamẹ lọ lẹ sẹ̀ sọn Adrian de Wet ji wẹ yindọ yé magbe nado lẹzun kunnudetọ gandudu lọ tọn.
E yin dopo to sunnu atọ̀n he yè sawhẹdokọna dọ yé hù yọnnu mẹyuu awe to ogle de mẹ lẹ mẹ, podọ oṣiọ yọnnu lọ lẹ tọn yin nina ohàn lẹ nado dù to tòpẹvi Polokwane tọn mẹ to agewaji Limpopo tọn South Africa tọn to owhe he wayi mẹ.
Gbẹtọ lẹ dọ dọ yọnnu lọ lẹ wá ogle lọ mẹ nado dín núdùdù to whenuena núnọ ogle lọ tọn desòdo bo hù yé.
De Wet, he nọ wazọ́n taidi azọ́ngán to ogle lọ mẹ, na dọna whẹdatẹn lọ todin dọ mẹhe tindo ogle lọ hẹn ẹn gánnugánnu nado ze oṣiọ yọnnu lọ lẹ tọn dlan lẹdo ohàn tọn mẹ, sọgbe hẹ nuhe BBC dọ to Yọnnuzangbe.
Whẹdatẹn lọ na dotẹnmẹ De Wet nado yì vọnu to Azangaagbe.
Todin, De Wet na gblewhẹdo núnọ ogle tọn lọ, Zachariah Johannes Olivier, po glesi devo he ma ko na gblọndo na whẹdatẹn lọ po.
Hagbẹ whẹndo tọn yọnnu he yin hùhù lẹ tọn gblehomẹ sinsinyẹn do nudide whẹylọmẹtọ lẹ tọn go, podọ yé dọ dọ nudide ehe ko de whẹdida dodo sẹ.
Whẹho lọ ko fọ́n lewuwu sinsinyẹn dote to South Africa, titengbe na mẹsusu gbẹ́ nọ gblehomẹ sinsinyẹn do akọ̀ ṣinṣinyan go wutu.
Pipli pẹvi yovo lẹ tọn gbẹsọ nọ nọ̀ suhugan ogle mẹdetiti tọn lẹ tọn mẹ, to whenuena mẹyuu lẹ nọ saba wazọ́n to finẹ bo nọ mọ akuẹ vude poun yí.
Whẹdida lọ, he bẹjẹeji to Tẹnigbe, yin nukundo nado zindonukọn to Kóyànsun 6.
Asisa lẹ
[jlado | jla asisado]- South Africa: Uproar as accused in pig farm murder case walks free. — Africanews. 7 Avivọsun 2025
- Nomsa Maseko. Tears and outrage in South Africa as accused in pig farm murder walks free. — BBC. 7 Avivọsun 2025