France ko ɖoalɔtena tintin to finɛ ahwànfuntɔ lɛ tɔn etɔn to Tchad, exe wɛ nyí tadóná godo tɔn sɔ́n Sahel

Cet article est écrit en Gun (Bénin)

axɔluzangbe 31, Alunlunsun 2025
France ko ɖoalɔtena tintin tofi ahwànfunfun tɔn etɔn to Tchad gbɔn anaɖiɖena otɛn godo tɔn etɔn hlan ahwànkpa Tchad tɔn dali. Xùnhwɛ ɖé nyí bibasí to N'Djamena xe nyí tatɔ́-tònɔ lɔ, fie axɔluzɔnwatɔ lɛ sɔ́n otò awe lɔ lɛ mɛ dó nujijɔ lɔ xya te. Ahwànkpa France tɔn lɛ jɛ Tchad jodó ji to awewesun 2024 to hwenuena ganɖuɖu lɔ basí ɖiɖe nadó ɖoalɔtena gbekɔndókpɔ́ ahwànfunfun tɔn xɛ France. Nɔtɛn godo tɔn, xe nɔ nyí yiylɔɖɔ Kossei, nyí nina to Tchad to 11 alunlunsun, bɔ ganɖuɖu lɔ ze dógbó godo tɔn ɖayǐ ná ahwànfuntɔ France tɔn lɛkpó nadó tlɔ́n finɛ to 31 alunlunsun.

France ko tin to Tchad sɔ́n 1960 gbɔ́n, bo to azɔ́nkplɔ́n ahwànfuntɔ lɛ bosɔ to godonɔná ahwànfuntɔ lɛ. Tchad wɛ nyí nɔtɛn France godo tɔn xe tin to lɛdó Sahel tɔn mɛ to hwenuena é ko nyí hinhɛn gánnugánnu nadó tɔ́nsɔ́n Mali, Burkina Faso, kpó Niger kpó godo. Nukɔntɔ otò exelɛ tɔn lɛ ko lɛhlan Russie ná alɔgɔ ahwànfunfun tɔn. To agayiyi etɔn, France tindó ahwànfuntɔ 5 000 linlán to Sahel tayiɖi akpaɖexwe azɔ̌nɖenamɛ ɖé tɔn nadó xoavùn sɔta nukúnbianamɛtɔ lɛ, cigbǎ azɔ̌nɖenamɛ exe wá vivɔnu to 2022.

France sɔ hɛn tintin to finɛ ahwànfunfun tɔn etɔn gble to otò Aflika tɔn ɖévo lɛ mɛ, gɔná Sénégal, Ivory Coast, kpó Gabon kpó. Ahwànfuntɔ ɖélɛ ná kpò to Djibouti nadó gɔalɔ to azɔ̌nɖenamɛ sɔgodo tɔn lɛ mɛ. Emmanuel Macron xe nyí Togán France tɔn ɖé ɖɔ to agɔé ɖɔ otò Aflika tɔn lɛ ma yɔ́n kpinkpɛn alɔgɔ France tɔn nadó xoavùn sɔta gufinfɔn gba. To ojlɛ ɖokpólɔ mɛ, Sénégal sɔ to tito basí ná ahwànkpa France tɔn lɛ nadó tɔ́nsɔ́n finɛ to vivɔnu 2025 tɔn.

Asisa lɛ

RFI. "Les derniers militaires français ont quitté le Tchad".– RFI. January 30, 2025
France 24. "L'armée française quitte le Tchad et rétrocède sa dernière base militaire au Sahel".– France 24. 30 January 2025