Dawe de to owhẹ̀ nukọn na e zanhẹ ovi asi etọn tọn he yin owhe 12-mẹvi de wutu

Sọn Wikilinlin

Oguzangbe, Ayidosun 6, 2023

To Tẹnigbe, whẹdatọ Bola Osunsanmi he to whẹdatẹn Ikeja tọn, he tin to Ogba, degbè dọ Nnamdi Dike, he yin dawe owhe 41-mẹvi de he yin whẹsadokọna dọ e zanhẹ ovi asi etọn tọn he yin owhe 12-mẹvi de, ni yin sisẹ do gànmẹ.

Dike, he nọ wazọ́n taidi nuhọ́tọ de, bo nọ nọ̀ No. 27, Salami Street, Akute, to ayimatẹn Ogun tọn, pannukọn owhẹ̀ zanhẹmẹ gánnugánnu tọn.

Whẹdatẹn lọ ma kẹalọyi vẹvivẹ mẹhe yin whẹsadokọna lọ tọn, bo degbè dọ e ni yin zize yì gànpa Kirikiri tọn mẹ kakajẹ whenue ogán whẹdatẹn lọ tọn na na ayinamẹ gando whẹho etọn go.

Raji Akeem, he yin alọgọtọ ponọ-gán de tọn, ko dọ na whẹdatẹn lọ sọn bẹjẹeji dọ mẹhe yin whẹsadokọna lọ wadanu lọ to Abọ̀húsun 2022 tọn to No. 37, Shogbade Street, to lẹdo Powerline tọn mẹ, to Ifako Ijaiye, Awọnlin.

E dọdọ viyọnnu owhe 12-mẹvi lọ dọ nuhe jọ lọ lẹpo na mẹplọntọ etọn, bo dọdọ dawe lọ, he yin asu onọ̀ emitọn tọn, nọ zanhẹ emi.

Akeem donu ego dọ mẹhe yin whẹsadokọna lọ nọ zanhẹ viyọnnu lọ whẹwhẹ to whedepopenu he onọ̀ etọn ma to whégbè, bo nọ sìn-adán na ẹn dọ emi na hùi eyin e dọna mẹdepope.

Ponọ lọ yidogọ dọdọ mẹplọntọ lọ wá ma nudọnamẹ lọ hẹ onọ̀ ovi lọ tọn, podọ onọ̀ lọ yì jẹwhẹ nujijọ lọ tọn to ponọpa mẹ.

To popolẹpo mẹ, whẹdatọ Osunsanmi degbè dọ mẹhe yin whẹsadokọna lọ ni yin zize yì gànpa mẹ podọ owhẹ̀ lọ yin sisẹ do Ayidosun 26.

Asisa lẹ[jlado | jla asisado]