Chad : Flanse gbọ bo bẹ azọ́nwatẹn awhànfuntọ lẹ jo na Chad
This article is written in Gun (Gungbe) |
Sẹgbe 12, Alunlunsun 2025
To Sibigbe, Flanse na azọ́nwatẹn awhànfuntọ lẹ tọn awetọ etọn to Chad taidi apadewhe gbekọndopọ de tọn nado doalọtena awhànfuntọ etọn lẹ. Chad ko doalọtena gbekọndopọ awhànfunfun tọn hẹ Flanse to Abọ̀húsun 2024, bọ awhànpa Flanse tọn lẹ jẹ yìyì ji to Awewesun mẹ. Issaka Malloua Djamouss he yin Agbagogán awhànfuntọ lẹ tọn Chad tọn dọ dọ alọ he tin to azọ́nwatẹn awhànfuntọ lẹ tọn Abeche tọn mẹ yin afọdide titengbe de nado de awhànpa Flanse tọn lẹpo sẹ̀. Nudi awhànfuntọ 100 wẹ jo azọ́nwatẹn awhànfuntọ lẹ tọn do to samedi, podọ azọ́nwanu lẹ ko yin tẹnsẹna.
Awhànfuntọ Flanse tọn lẹ po agahun lẹ po ko tin to Chad sọn whenue gbọ́n otò lọ jẹ mẹdekannu to 1960. Awhànpa Flanse tọn plọn awhànpa Chad tọn lẹ bo doalọtena atẹṣiṣi whlasusu. To Awewesun, agahun awhànfuntọ tọn lẹ tọ́nsọn Chad, bọ awhànfuntọ lẹ hodo yé yì awà awhànfuntọ devo tọn ji to agewaji Chad tọn. To Alunlunsun, awhànpa Flanse tọn lẹpo dona tọ́nsọn finẹ, dile sinsẹ̀ngán lọ dọ dọ ojlẹ he tindo dogbó ehe yin tadona bo ma yọn-na-yizan ba.
Flanse tindo awhànfuntọ 5 000 linlán to Aflika to ojlẹ de mẹ wayi na azọ́ndenamẹ sinsinyẹn etọn he nọ yin yiylọdọ Barkhane. Chad wẹ yin otò godo tọn to lẹdo he mẹ awhànfuntọ Flanse tọn lẹ nọ nọ̀. Awhàngán daho lẹ to Mali, Burkina Faso, po Niger po ko sẹtẹn sẹpọ Russie to whenuena yé ko de awhànpa Flanse tọn lẹ sẹ̀ godo. Awhàngán daho Mahamat Idriss Deby Itno he yin togán Chad tọn sọ jlo dọ kanṣiṣa he lodo de ni tin hẹ Russie ṣigba bo ma ko basi gbekọndopọ daho lẹ. Deby ylọ gbekọndopọ hohowhenu tọn hẹ Flanse dọ nujọnu bo masọ yọ́n-na-yizan to egbehe ba.
Asisa lẹ
[jlado | jla asisado]- Ali Bamba. "Tchad : les soldats français quittent Abéché".– Africanews. January 11, 2025
- Fatimata WANE. "Tchad: la Base militaire d'Abéché rétrocédée par l'armée française".– France 24. 11 January 2025