Bukayo Saka tin to todohukanji agódotọ lẹ tọn ji dile Arsenal hò Brighton 4-2

Sọn Wikilinlin

Sẹgbe, Alunlunsun 1, 2023

Arsenal ko dlẹnkana nukọntọ-yinyin yetọn to todohukanji Premier League tọn ji to whenuena yé hò Brighton and Hove Albion 4-2 to nọtẹn Famer Stadium tọn mẹ to Sibigbe.

Bọlu-hòtọna England, Bukayo Saka wẹ do agó tintan na ogbẹ́ etọn ehe yin Gunners to nukunwhiwhe awetọ aihun lọ tọn mẹ.

Bọlu-hòtọ adà Mikel Arteta tọn lẹ ma do lẹblanu depope hia dile yé dugán do adà aihun lọ tọn lẹpo ji ehe zọn bọ Martin Odegaard podo Edward Nketiah po do do agó to nukunwhiwhe 39tọ podo 47tọ po.

Jonọyitọ lọ lẹ mọ agó homẹmiọnnamẹ tọn yi dile Kaoru Mitoma fli agó dopo lẹkọ to nukunwhiwhe 65tọ mẹ bọ Gabriel Martinelli lọsu sọ do agó devo to nukunwhiwhe 71tọ mẹ na ogbẹ́etọn he yin Arsenal.

Evan Ferguson do agó devo to nukunwhiwhe 77tọ mẹ bọ vivẹnudido yetọn lẹpo nado fli agó lọ lẹpo gọlẹ yin ovọ to aihun he sinyẹn taun de mẹ.

Arsenal he tindo agó (points) 43 todin tin to nukọna Manchester City podo agó (points) 7 po to todohukanji bọlu-hògbẹ́ lẹ tọn ji.

Asisa lẹ[jlado | jla asisado]