Bénin ko dóalɔtena amì nyinya jɛgbonu sɔ́n Niger to otò awe lɔ lɛ cɛncɛn

Cet article est écrit en Gun (Bénin)

azangaagbe, 15 nuxwàsun 2024

Bénin ko hɛnalɔdótena kɔmɛnu etɔn Niger ma nádó yí bato-glintɛn Bénin tɔn zan nádó má amì xe é tindó tintan. Exe nyimɔ ná nudǐnɖɔn ɖé tin gandó dógbó xe tin to otò awe lɔ lɛ cɛncɛn go.

Ganɖuɖu Bénin tɔn, xe nyí anaɖéna gbɔn Togán Patrice Talon dali, to bibyɔ́ ɖɔ otò Niger tɔn ni vɔ́ dógbó otò lɔ tɔn lɛ jladó ényi é jlo ná yí bato-glintɛn Bénin tɔn lɛ zan. Togán Talon ko sahwɛdókɔna Niger ɖɔ é nyíuwa xɛ Benin tayiɖi "kɛntɔ" ɖé.

Kancica xe tin to otò awe lɔ lɛ cɛncɛn ko sinnyɛ ɖéji sɔ́n hwenue ahwàn lɔ bɛ ganɖuɖu lɔ jɛeji to Niger to oxwe xe wayi mɛ gbɔ́n.

Bénin kpó otò hwèyixɔ Aflika tɔn ɖevo lɛ kpó ko klan yěɖé dó wiwe dó Niger, gɔna dógbó lɛ súsú, nádó tɛnkpɔn bo hɛn ahwànkpa Niger tɔn lɛ gánnugánnu nádó ná xuhlɔn ganɖuɖu xe nyí ɖiɖé gbɔn vòbibla dali lɔ. Gbekɔndókpɔ́ lɔ lɛ dóalɔte to Afínkplɔsun, cigbǎ Niger ma ko vɔ́ dógbó otò étɔn tɔn ɖiɔ ná ɖagbe xe nɔ wá sɔ́n Bénin lɛ gba.

Asisa lɛ

(en) Basillioh Rukanga. "Benin blocks Niger oil exports in border row". — BBC. 9 nuxwàsun 2024
(en) Katarina Hoije. "Benin Blocks First Shipment of Niger Crude Over Border Feud". — Bloomberg. 8 nuxwàsun 2024