Amotekun wle sɛ́nhɛngbatɔ xe nyí nuvɛɖo 31 to Ondo
|
Cet article est écrit en Gun (Bénin) |
axɔluzangbe, liɖosun 28, 2023
Ogbɛ́ xixɔ-basínamɛtɔ ayimatɛn Ondo tɔn xe nyí nyinywɛ tayiɖi ogbɛ́ Amotekun tɔn ko wle sɛ́nhɛngbatɔ xe nyí nuvɛɖo xe ma hwè húgǎn 31 to nɔtɛn voovo mɛ lɛdó ayimatɛn lɔ kpé.
Mɛxe nyí nuvɛɖo lɔ lɛ nyí didóxya lɛdó kpé to tatɔtɛnnɔ ogbɛ́ xixɔ-basínamɛ tɔn lɔ tɔn to Akure, xe nyí tatɔtɛnnɔ ayimatɛn lɔ tɔn to azangaagbe.
Ogán ogbɛ́ lɔ tɔn, Adetunji Adeleye, ɖɔná linlinnamɛtɔ lɛ ɖɔmɔ, mɛxe nyí nuvɛɖo lɔ lɛ nyí wiwle ná hwɛxo sɛ́nhɛngba tɔn voovo lɛ xe bɛ zanxɛmɛ gannu-gannu, mɛfinfin, ajojijɛ, mɛxùxù kpó mɔmɔ kpó.
Adeleye ɖotuxomɛná kɔmɛnu ayimatɛn lɔ tɔn lɛ nadó nɔ ɖike ninɔmɛ xixɔ́ tɔn ni ɖuahunmɛná yé kpóɖɔ nadó nɔ cɔ́ kanlinnyìtɔ xe jlo ná và otò lɔ.
É ɖéxya ɖɔ, nuɖi kanlinnyìtɔ 9000 tɛnkpɔn nadó byɔ́ ayimatɛn lɔ mɛ gbɔn dógbó lɛdó xe tin to Edo, Kogi kpó ayimatɛn Ekiti tɔn kpó onyì susu kpó nadó gbasɛ́n to agɔé, cigbǎ, yè nyà yé lɛkɔ.
É ɖɔmɔ, "Nǔgbó lɔ wɛ nyíɖɔ, to osun xe wayi mɛ, mǐ tindó kanlinnyìtɔ susu xe gbà byɔ́ ayimatɛn lɔ mɛ. Mǐ to dandanu glɔ nadó nyà yé lɛkɔ yi fixe yé wa sɔ́n.
"To osun xe wayi, mǐ kpéxɛ kanlinnyìtɔ 9000 xe gbàsɛ́n ayimatɛn lɔ tɔn."
Adeleye ɖɔmɔ, kanlinnyìtɔ xe ze nyǐkɔ ɖayǐ to ganɖuɖu ayimatɛn lɔ tɔn glɔ kɛɖɛ we ná mɔ dótɛnmɛ nadó nɔ ayimatɛn lɔ mɛ.
"Kanlinnyìtɔ xe nyí sɛ́nhɛngbatɔ ma ɖóná tin to ayimatɛn lɔ mɛ bosɔ ɖóná nyí nyinyà sɔ́n zungbo mǐtɔn mɛ. Mɔɖokpólɔ, mǐ to azɔ́nwa dó dógbó tòkpɛvi lɔ lɛ tɔn ji ná mǐ ɖoayiego ɖɔ mɛxe mɔ ali dó yi Ondo nɔ gbɔn ayimatɛn Ekiti tɔn," é yidógɔ́ná.
Asisa lɛ
[jlado | jla asisado]- Peter Dada. "Amotekun arrests 31 suspected criminals in Ondo" —Punch. April 28, 2023
- Ebunoluwa Olafusi. "Amotekun: 31 suspects arrested for kidnapping, rituals in Ondo" —The Cable. April 28, 2023