Amelika tọ́n-awhàn Ayimatẹn Malenu lẹ tọn to Somalia

This article is written in Gun (Gungbe)

Tẹnigbe 3, Afínplọsun 2025
Amelika tọ́nawhàn Somalia to Sibigbe, heyin gbedena gbọn Togán Donald Trump dali. Awhàn-tọ́nmẹ ehelẹ yin sọta nukọntọ ogbẹ́ nukunbianamẹtọ lẹ tọn Ayimatẹn Malenu lẹ tọn (AM) tọn he họnbẹ do aigbaslo lẹ mẹ. Trump dọ dọ nukunbianamẹtọ lọ lẹ yin owù de na Amelika po godonọnamẹtọ etọn lẹ po. Awhàn-tọ́nmẹ lọ, heyin godonọna gbọn gandudu Somalia tọn dali, và aigbaslo lẹ sudo bo hù hagbẹ AM tọn susu matin awugble omẹ paa lẹ tọn gba.

Awhàn-tọ́nmẹ lọ wá aimẹ to Osó Golis tọn lẹ ji, fie nukunbianamẹtọ AM tọn susu yin nukundo nado họ̀n whlá do. Pete Hegseth he yin wekantọ avùnlọyiyi Amelika tọn dohia dọ nukunbianamẹtọ susu wẹ yin hùhù, podọ omẹ paa depope ma yin awugblena. Gandudu Somalia tọn nọgodona nuyiwa lọ, bo dọ dọ otò yetọn ma dona natẹn nukunbianamẹtọ lẹ gba. Ahọluzọnwatọ lẹ gbẹ́ pò to dogbapọnna kọdetọn awhàn-tọ́nmẹ lọ lẹ tọn to gigọ́mẹ, ehe yanwle yetọn nado dekanpona AM bo glọnalina yé sọn awhàn-tọ́nmẹ tito-to-whinnu tọn lẹ mẹ.

Amelika ko sọ yinuwa to awhàn-tọ́nmẹ dopolọ mẹ to Somalia na owhe susu to togán voovo lẹ glọ. To owhe he wayi mẹ, awhàn-tọ́nmẹ devo hù nukunbianamẹtọ AM tọn atọ̀n. Amelika dọ dọ e na zindonukọn nado to nuyiwa sọta nukunbianamẹtọ he ze Amelika po godonọnamẹtọ etọn lẹ po tọn do owù mẹ lẹ. Nuyiwa ehelẹ do owẹ̀n sinsinyẹn de hlan dọ Amelika ko wleawufo nado basi hihọ́na omẹ etọn lẹ po gbẹdohẹmẹtọ etọn lẹ po.

Asisa lẹ

AP. "Somalie : les USA mènent des frappes aériennes ciblant l’État islamique".– Africanews. 3 February 2025
FRANCE 24. "Les frappes américaines en Somalie ont neutralisé "des figures clefs" de l'État islamique".– France 24. 2 February 2025