Agó ogàngodo tɔn xe Haaland dó wɛ hɛn kɔɖetɔn ɖagbe wa ná Man City
|
Cet article est écrit en Gun (Bénin) |
sɛgbe, abɔ̀xúsun 6, 2022
.jpg)
Bɔlu-xòtɔ́ otɛn nukɔn tɔn ná otògbo Norway tɔn Erling Haaland, wɛ hɛn kɔɖetɔn ɖagbe wa ná Manchester City ɖilě yé ɖuto bɔlu-xògbɛ́ Fulham tɔn ji kpóɖo agó 2-1 kpó to bɔlu-xòtɛn Etihad Stadium to sibigbe.
Haaland wɛ nyí sunnugán aihun lɔ tɔn kpóɖo agó ogàngodo tɔn xe é dó kpó exe zɔ́n bɔ yé dó ɖuto to ogbɛ́ awetɔ ji.
Kati vɛvɛ (red card) xe Joao Cancelo yi to adà tintan aihun lɔ tɔn hwenu hɛn vɛawu ná Man City nadó jɛ agó atɔ̀n (3 points) exe sin nuhudó yě tindó kɔn, kaka jɛ hwenue Haaland byɔ́ aihun lɔ mɛ nadó hwlɛn yé.