Agó awe Awoniyi tɔn wɛ hɛn yé nadó jɛ ozɛn agó 2-2 tɔn sɔta Chelsea to bɔlu-gbatɛn Stamford Bridge tɔn mɛ
|
Cet article est écrit en Gun (Bénin) |
sɛgbe, nuxwàsun 14, 2023
Agó awe Taiwo Awoniyi tɔn wɛ hɛn nyɔ́basí ná Nottingham Forest nadó mɔ agó (point) ɖagbe yí sɔta Chelsea to Stamford Bridge. Forest jɛ nukɔn to bɛjɛeji aihun lɔ tɔn hwenu to hwenuena Awoniyi xe dó agó hwla awe to agbàhwinwlɛn xe fó kpóɖo agó 4-3 kpó mɛ sɔta Southampton to tɛnigbe jɛ nukɔná bɔlu-wletɔ Blues tɔn Edouard Mendy nadó dó agó kpóɖo ota kpó kpóɖo alɔgɔ Renan Lodi tɔn kpó.
Bɔlu-xòtɔ Chelsea tɔn Raheem Sterling fli agó lɔ lɛkɔ to adà tintan aihun lɔ tɔn godo kpóɖo alɔgɔ Trevoh Chalobah tɔn kpó to nukúnxwixwe cianwetɔ godo.
Cigbǎ Blues gɔjɛ nukɔn to agbàhwinwlɛn lɔ mɛ to nukúnxwixwe ɛnɛ gblamɛ to Stamford Bridge hwɛkpó Taiwo Awoniyi dó fli agó awetɔ lɛkɔ kpóɖo alɔgɔ Orel Mangala tɔn kpó nadó sɔgan hɛn adà etɔn nadó jɛ ozɛn to agbàhwinwlɛn lɔ mɛ. Agbàhwinwlɛn lɔ ɖoalɔtena gúgú cianwe ná bɔlu-xòtɔ Steve Cooper tɔn lɛ bo hɛn yé nadó jɛ aga kpóɖo agó (points) atɔ̀n kpó sɔta Leeds kpóɖo agbàhwinwlɛn awe xe kpó ná yé kpó.
Forest ná kpé Arsenal to oxwe yětɔn gbe to sɛgbe bo nasɔ zingbejizɔnlin yi Crystal Palace ná agbàhwinwlɛn godo tɔn ná ojlɛ lɔ to hwenuena Chelsea ná kpé bɔlu-xògbɛ́ atɔ̀n xe tin to otɛn aga to toɖoxukanji lɔ mɛ to osɛ ɖokpó gblamɛ exe bɛ Manchester City, Manchester United kpóɖo Newcastle kpó.
Asisa lɛ
- "Awoniyi’s brace earn Forest 2 – 2 draw against Chelsea at Stamford Bridge".– Vanguard. May 13, 2023
- Johnny Edward. "Awoniyi’s brace pilesmore misery on Blues".– Punch. May 14, 2023