Agó Man United sɔta éɖetiti wɛ ná Sevilla dótɛnmɛ zɛnsisɔ agó 2-2 tɔn to Europa league mɛ
|
Cet article est écrit en Gun (Bénin) |
sibigbe, liɖosun 15, 2023
Agó awe ogàngodo tɔn sɔta mɛɖetiti wɛ ná Manchester United azɔ̌n ɖaxo nadó wa nadó sɔgan kpégan ná adà bɔlu-xògbɛ́ ɛnɛ xe gbɔngodo lɛ tɔn Europa League mɛ ɖilě Sevilla gɔ jɛ ozɛn to agbàhwinwlɛn tintan yětɔn to adà bɔlu-xògbɛ́ ciantɔn xe gbɔngodo lɛ tɔn mɛ to Old Trafford to Nyɔnuzangbe.
United lɛ tayiɖi mɛxe ko gbahwàn kpóɖo agó awe kpó sɔ́n Marcel Sabitzer ɖé gblagbla nukúnxwixwe 21 mɛ.
Cigbǎ bɔlu-xòtɔ otɛn godo tɔn yětɔn Raphael Varane kpóɖo Lisandro Martinez kpó xe ma tin to aimɛ ná awugble yětɔn wutu wɛ hɛn gúgú wa ɖilě Tyrell Malacia kpóɖo Harry Maguire kpó dó agó sɔta ogbɛ́ yeɖetiti tɔn to nukúnxwixwe ciɖokpó xe kpó exe aihun lɔ ná wa vivɔnu mɛ.
United lɛ sɔ ɖóná wleawuna agbàhwinwlɛn awetɔ tɔn xe ná waimɛ to Liɖosun 20 matin Bruno Fernandes to hwenuena é nyí nina kati godo exe ɖékɔntɔnɖɔ ɖiɖesɛ ná agbàhwinwlɛn lɔ.
Asisa lɛ
- "Man United own goals give Sevilla 2-2 draw in Europa League".– Punch. April 13, 2023
- "Maguire and Malacia own goals give Sevilla draw at Manchester United".– The Guardian. April 13, 2023