AC Milan zinkpó Napoli ji kpóɖo agó 4-0 kpó to hwenuena Osimhen ma tindó maxɛ to agbàhwinwlɛn lɔ mɛ
|
Cet article est écrit en Gun (Bénin) |
tɛnigbe, liɖosun 3, 2023, 2023
AC Milan ko zinkpó Napoli xe nyí nukɔntɔn to Serie A mɛ kpóɖo agó 4-0 kpó to sɛgbe to agbàhwinwlɛn sinsinnyɛ ɖé hwenu nadó gbà nyawle agbàwlɛntɔ lɔ tɔn nadó mɔ ale League tintan tɔn yi sɔ́n 1990 gbɔn.
Napoli gbá bɔlu lɔ matin bɔlu-xòtɔ ɖagbe yětɔn, Victor Osimhen xe ma kpénugo nadó tindó maxɛ to aihun lɔ mɛ ná awugble etɔn wutu exe zɔn bɔ tɛnmɛ etɔn xùn dó nuvo.
Rafael Leo wɛ dó agó ɖagbe awe ná Milan bɔ Brahim Diaz kpóɖo Alexis Saelemaekers kpó sɔ dó agó ɖékpó lɛ ná ogbɛ́ yětɔn nadó sɛtɛn yi otɛn atɔ̀ntɔ mɛ.
Adà Stefano Pioli tɔn ko hɛn gúgú atɔ̀ntɔ to agbàhwinwlɛn League tɔn mɛ wa Napoli ji to oxwe exe mɛ, mɛxe nyí to nukɔn to toɖoxukanji bɔlu-xògbɛ́ lɛ tɔn ji exe sin agó (points) ko nyí ɖiɖekpó dó 16 to hwenuena bɔlu-xògbɛ́ xe tin to otɛn awetɔ mɛ xe nyí Lazio ɖuto Monza ji kpóɖo agó 2-0 kpó godo to sɛgbe.
Milan yi agó (points) 20 dó to godo cigbǎ yé ko gbahwàn to agbàhwinwlɛn atɔ̀n sɔta Napoli exe naso zindónùkɔn to osun exe mɛ ɖilě yé ná hwlɛnagbà sɔta yeɖé to adà bɔlu-xògbɛ́ ciantɔn xe gbɔngodo lɛ tɔn to Champions League mɛ.
Asisa lɛ
[jlado | jla asisado]- "AC Milan hammer Napoli 4-0 in Osimhen absence".– Vanguard. April 2, 2023
- Farq Ibrahim. "Milan destroy Napoli in Osimhen's absence".– Pulse Sports. April 2, 2023